ప్రభాస్‌తో మరోసారి జట్టుకట్టనున్న ‘దిల్’ రాజు?

యంగ్ రెబల్ స్టార్ ప్రభాస్‌కు కలిసొచ్చిన నిర్మాతల్లో ‘దిల్’ రాజు ఒకరు. గ‌తంలో ఈ ఇద్దరి కలయికలో ‘మున్నా(2007), ‘మిస్టర్ ప‌ర్ ఫెక్ట్‌’(2011) వంటి విజయవంతమైన చిత్రాలు రూపొందిన సంగ‌తి తెలిసిందే. కాగా… త్వ‌ర‌లో ఈ ఇద్ద‌రి కాంబినేష‌న్‌లో మ‌రో సినిమా రానుంద‌ని స‌మాచారం.

అంతేకాదు… ఈ సినిమాకి ‘సైరా నరసింహారెడ్డి’తో పాన్ ఇండియా డైరెక్టర్ అనిపించుకున్న సురేందర్ రెడ్డి దర్శకత్వం వహిస్తాడ‌ని టాక్. స్టైలిష్ ఎంట‌ర్‌టైన‌ర్‌గా తెర‌కెక్క‌నున్న ఈ క్రేజీ ప్రాజెక్ట్ కోసం ఇప్ప‌టికే ఓ క‌థ‌ను సిధ్ధం చేసాడట సురేందర్ రెడ్డి. ఆ కథ ప్ర‌భాస్‌ను ఎంత‌గానో ఇంప్రెస్‌ చేసిందని ఇన్ సైడ్ టాక్. మ‌రి… ఈ క‌థ‌నాల్లో నిజానిజాలెంతో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచిచూడాల్సిందే.

కాగా, ప్రస్తుతం ప్రభాస్… ‘జిల్’ ఫేమ్ రాధాకృష్ణ డైరెక్షన్‌లో రూపొందుతున్న పిరియాడిక‌ల్ ల‌వ్ స్టోరీలో న‌టిస్తున్న సంగతి తెలిసిందే.