ఆపరేషన్ గోల్డ్ ఫిష్ నుండి పాపులర్ రైటర్ లుక్ రిలీజ్

‘వినాయకుడు’.. ‘కేరింత’ వంటి చిత్రాలతో దర్శకుడిగా మంచి పేరు తెచ్చుకున్న సాయికిరణ్ ఇప్పుడు మరో ఇంట్రెస్టింగ్ కాన్పెప్ట్ తో సినిమాను తెరకెక్కిస్తున్నాడు. ఆయన తాజా చిత్రంగా ‘ఆపరేషన్ గోల్డ్ ఫిష్’ రూపొందుతోంది. ఆది సాయికుమార్ కథానాయకుడిగా నటిస్తోన్న ఈ సినిమాలో సాషా ఛెత్రి, కార్తీక్‌ రాజు, పార్వతీశం, నిత్యా నరేశ్, మనోజ్‌ నందం, అబ్బూరి రవి, అనీశ్, రావు రమేష్‌ కీలక పాత్రల్లో నటిస్తున్నారు.

ఇక ఇటీవలే ఆది పుట్టిన రోజు సందర్భంగా ఆయన ఫస్ట్ లుక్ ను విడుదల చేశారు. కమాండో అర్జున్ పండిట్ పాత్రలో ఆది నటించనున్నాడు. ఇప్పుడు తాజాగా ఈ సినిమాలో మరో కీలక పాత్రలో నటించిన  ప్రముఖ రైటర్ అబ్బూరి రవి ఫస్ట్ లుక్ ను రిలీజ్ చేశారు. త్రివిక్రమ్ చేతుల మీదుగా అబ్బూరి రవి ఫస్ట్ లుక్ ను విడుదల చేశారు. ఈ సినిమాలో ‘ఘాజీబాబా’పాత్రలో కనిపించనున్నాడు. అబ్బూరి రవి లుక్ ఆకట్టుకునేలా .. సినిమాపై ఆసక్తిని రేకెత్తించేలా వుంది.

కాగా వినాయకుడు టాకీస్ బ్యానర్‌పై ప్రతిభ అడివి, కట్ట ఆశీష్ రెడ్డి, కేశవ్ ఉమా స్వరూప్, పద్మనాభ రెడ్డి, గ్యారీ బీహెచ్, సతీశ్ డేగల ఈ చిత్రాన్ని నిర్మిస్తున్నారు. శ్రీచరణ్ పాకాల సంగీతం సమకూర్చగా.. జైపాల్ రెడ్డి సినిమాటోగ్రఫీ అందిస్తున్నారు. షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. త్వరలో సినిమాను రిలీజ్ చేసేందుకు ప్లాన్ చేస్తున్నారు. మరి ఈ సినిమా ఆదికి ఎంత వరకూ సక్సెస్ ఇస్తుందో చూద్దాం.