‘రామారావు ఆన్ డ్యూటీ’ నుండి మాస్ నోటీస్..!

క్రాక్ సినిమాతో మంచి హిట్ ను అందుకొని ఫామ్ లోకి వచ్చాడు మాస్ మహారాజా రవితేజ. ఈసినిమా తరువాత ఇటీవలే ఖిలాడి సినిమాను రిలీజ్ చేశాడు.. అయితే ఎన్నో అంచనాల మధ్య రిలీజ్ అయిన ఈసినిమా రవితేజకు నిరాశనే మిగిల్చింది. అయినా కూడా రవితేజ ప్రస్తుతం వరుస సినిమాలతో బిజీగా ఉన్నాడు. రవితేజ ఖాతాలో ప్రస్తుతం చాలా సినిమాలు ఉన్నాయి. అందులో త్వరలో రిలీజ్ కు రెడీ అవుతున్న సినిమా రామారావు ఆన్ డ్యూటీ. జూలై 29 వ తేదీన గ్రాండ్ గా విడుదల అవుతుంది ఈసినిమా.

ఈనేపథ్యంలో చిత్రయూనిట్ వరుస అప్ డేట్లు ఇస్తూ బజ్ క్రియేట్ చేస్తున్నారు. ఇప్పటికే ఈ మూవీ టీజర్, ట్రైలర్ మరియు కొన్ని పాటలను విడుదల చేసిన చిత్ర బృందం తాజాగా ఈ మూవీ ప్రీ రిలీజ్ ఈవెంట్ ను కూడా భారీ ఎత్తులో నిర్వహించింది. అయితే ఇప్పుడు తాజాగా ఈ సినిమా నుండి మాస్ నోటీస్ పేరుతో ఓ వీడియోను చిత్ర బృందం రిలీజ్‌ చేసింది. ఈ వీడియోలో రవి తేజ మళ్ళీ దుమ్ములేపేశాడు. ట్రైలర్ న్ మించి పోయేలా ఈ వీడియో ఉంది.

కాగా ఈసినిమాలో దివ్యాంశ కౌశిక్, ర‌జిష విజయన్ హీరోయిన్లుగా న‌టిస్తుండగా.. వేణు తొట్టెంపూడి, నాజ‌ర్‌, త‌నికెళ్ల‌భ‌ర‌ణి, ప‌విత్ర లోకేష్ ఇత‌ర‌ కీల‌క పాత్ర‌ల్లో నటిస్తున్నారు. ఈ చిత్రాన్ని ఎస్‌ఎల్‌వీ సినిమాస్‌, ఆర్‌టీ టీం వర్క్స్‌ బ్యానర్లపై సుధాకర్‌ చెరుకూరి నిర్మిస్తున్నారు. ఈసినిమాకు శ్యామ్ సీఎస్ సంగీతం అందిస్తుండ‌గా స‌త్య‌న్ సూర్య‌న్ సినిమాటోగ్రాఫ‌ర్‌గా వ‌ర్క్ చేస్తున్నారు.