లడఖ్ లో నాగచైతన్య
Naga Chaitanya Joins The Sets Of His New Bollywood Movie With Aamir Khan

శేఖర్ కమ్ముల దర్శకత్వంలో నాగచైతన్య , సాయి పల్లవి జంటగా తెలంగాణ నేపథ్యంలో రూపొందిన “లవ్ స్టోరీ “మూవీ విడుదలకు సిద్ధంగా ఉంది. ఈ మూవీ పై భారీ అంచనాలు నెలకొన్నాయి. విక్రమ్ కె కుమార్ దర్శకత్వంలో రూపొందుతున్న “థ్యాంక్ యు ” మూవీ లో హీరో నాగచైతన్య నటిస్తున్న విషయం తెలిసిందే.
అద్వైత్ చందన్ దర్శకత్వంలో అమీర్ ఖాన్ హీరోగా రూపొందుతున్న బాలీవుడ్ మూవీ “లాల్ సింగ్ చద్దా “లో నాగచైతన్య ఒక కీలక పాత్రకు ఎంపిక అయ్యారు. హాలీవుడ్ క్లాసిక్ ‘ఫారెస్ట్ గంప్’ (1994) ఆధారంగా“లాల్ సింగ్ చద్దా “ మూవీ తెరకెక్కుతుంది. ఈ మూవీ షూటింగ్ ఆఖరి షెడ్యూల్ కశ్మీర్ లోని లడఖ్ లో జరుగుతుంది. “లాల్ సింగ్ చద్దా “ మూవీ లో నాగచైతన్య ఆర్మీ అధికారిగా కీలక పాత్రలో కనిపించనున్నారు. . ఆర్మీ అధికారి పాత్ర కోసం నాగచైతన్య ప్రత్యేక శిక్షణ తీసుకున్నారు. కఠినమైన వ్యాయామాలతో శరీరాకృతిని తీర్చిదిద్దుకున్నారు. హీరో నాగచైతన్య ప్రస్తుతం “లాల్ సింగ్ చద్దా “ మూవీ షూటింగ్ లో పాల్గొంటున్నారు. ఈ మూవీ తో నాగచైతన్య బాలీవుడ్ కు పరిచయం అవుతున్నారు.







