విభిన్నమైన కథలకు ప్రాధాన్యత ఇచ్చే నటుల్లో సత్యదేవ్ కూడా ఒకడు. అందుకే తనకంటూ ప్రత్యేకమైన గుర్తింపు తెచ్చుకున్నాడు. నూతన దర్శకుడు శరణ్ కొప్పిశెట్టి దర్శకత్వంలో తిమ్మరుసు అనే సినిమాను చేస్తున్న సంగతి తెలిసిందే. ఇప్పటికే ఈసినిమా అన్ని పనులు పూర్తి చేసుకొని రిలీజ్ కు సిద్దంగా ఉంది. ఇక ఈసినిమా కూడా ఇప్పటికే రిలీజ్ కావాల్సింది కానీ కరోనా కారణంగా వాయిదాపడుతూ వచ్చింది. అయితే తాజాగా ఈ సినిమా విడుదల తేదీని ఖరారు చేశారు చిత్రయూనిట్. ఈనెల 30వ తేదీన ఈ సినిమాను థియేటర్లలో విడుదల చేయనున్నట్టు అధికారిక ప్రకటన చేస్తూ, రిలీజ్ డేట్ పోస్టర్ ను వదిలారు.
కాగా సత్యదేవ్ సరసన ప్రియాంక జవాల్కర్ హీరోయిన్ గా నటిస్తుండగా.. ఒక ముఖ్యమైన పాత్రలో రవిబాబు నటిస్తున్నాడు. ఈస్ట్ కోస్ట్ ప్రొడక్షన్స్ అధినేత మహేశ్ కోనేరుతో కలిసి ఎస్ ఒరిజినల్స్ బ్యానర్పై నిర్మాత సృజన్ ఎరబోలు నిర్మిస్తున్న ఈసినిమాకు శ్రీచరణ్ పాకాల సంగీతం అందిస్తున్నాడు.
ఈ సినిమాతో పాటు సత్యదేవ్ ప్రస్తుతం మలయాళంలో సూపర్ హిట్ అయిన ‘లవ్ మాక్ టైల్’ సినిమాను తెలుగులో రీమేక్ చేయనున్న సంగతి తెలిసిందే. గుర్తుందా శీతాకాలం టైటిల్ తో ఈ సినిమా రీమేక్ కాబోతుంది. ఇప్పటికే ఈ సినిమా షూటింగ్ ను ప్రారంభించారు. ఈ సినిమాకు నాగ శేఖర్ దర్శకత్వం వహిస్తున్నాడు.