మణికర్ణిక తెలుగు ట్రైలర్ రిలీజ్ డేట్ ఫిక్స్

ఝాన్సీ లక్ష్మీ భాయ్ జీవిత చరిత్ర ఆధారంగా కంగనా ప్రధాన పాత్రలో మణికర్ణిక సినిమా తెరకెక్కిన సంగతి తెలిసిందే. మొదట ఈసినిమాకు క్రిష్ దర్శకత్వం వహించగా.. ముగింపు మాత్రం కంగనా చేతుల మీదగానే జరిగింది. ఇక ఇటీవలే ఈ సినిమా హిందీ ట్రైలర్ కూడా రిలీజ్ చేయగా దానిలో కంగానే తన విశ్వరూపం చూపిందన్న ప్రశంసలు సైతం అందుకుంది. ఇక ఇప్పుడు తాజాగా ఈ సినిమా తెలుగు ట్రైలర్ డేట్ ను ఫిక్స్ చేశారు. రేపు (1-4-2018) ఈ సినిమా తెలుగు ట్రైలర్ ను రిలీజ్ చేయనున్నారు.

కాగా జీ స్టూడియోస్ సంస్థ నిర్మిస్తున్న ఈ సినిమా పోస్ట్ ప్రొడక్షన్ పనులు జరుపుకుంటుంది. భారీ బడ్జెట్‌తో నిర్మిస్తున్న ఈ చిత్రానికి విజయేంద్రప్రసాద్‌ కథని అందించారు. జ‌న‌వ‌రి 25వ తేదిన రిలీజ్ కానున్న ఈ సినిమాను.. హిందీతో పాటు తెలుగు, తమిళ భాషల్లో కూడా ఒకే రోజు విడుదల చేయనున్నారు.