`ద ల‌య‌న్ కింగ్‌`.. 1994లో చారిత్ర‌క విజ‌యం సాధించిన అమెరిక‌న్ యానిమేట‌డ్ మ్యూజిక‌ల్ ఫిల్మ్‌. వాల్ట్ డిస్నీ పిక్చ‌ర్స్ సంస్థ నిర్మించిన ఈ చిత్రం… పాతికేళ్ళ త‌రువాత అదే పేరుతో రీమేక్ అయ్యింది. ఈ సారి యానిమేటెడ్ ఫిల్మ్‌లా కాకుండా… ఫొటో-రియ‌లిస్టిక్ కంప్యూట‌ర్ యానిమేటేడ్ వెర్ష‌న్‌లో రీమేక్ అయి విడుద‌ల‌య్యింది. ‘ద జంగిల్ బుక్’ ద‌ర్శ‌కుడు జాన్ ఫేవరోవ్ ఈ సినిమాని రూపొందించాడు. జూలై 19న ప్రపంచవ్యాప్తంగా విడుదలైన ఈ చిత్రం… భార‌త‌దేశంలోనూ ప‌లు భాష‌ల్లో అనువాద‌మై ఆడియన్స్‌ను అలరించింది. ఇక తెలుగు వెర్ష‌న్‌కు నాని, జ‌గ‌ప‌తి బాబు, ర‌విశంక‌ర్‌, బ్ర‌హ్మానందం, అలీ వంటి ప్ర‌ముఖులు గాత్ర‌మిచ్చారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా… మొద‌టి ఆట నుంచే ప్రపంచవ్యాప్తంగా ఆద‌ర‌ణ పొందుతున్న ఈ చిత్రం… ఇప్ప‌టికీ వ‌ర‌ల్డ్ బాక్సాఫీస్ వ‌ద్ద వ‌సూళ్ళ కుంభ‌వృష్టి కురిపిస్తోంది. అంతేకాదు… తాజాగా గ్లోబ‌ల్ బాక్సాఫీస్ వ‌ద్ద ఆల్ టైమ్ టాప్ టెన్‌లోనూ స్థానం ద‌క్కించుకుంది. ఈ జాబితాలో స్థానం ద‌క్కించుకున్న ఏకైక యానిమేటేడ్ ఫిల్మ్‌గా `ద ల‌య‌న్ కింగ్‌` నిలవడం విశేషం. దాదాపు 260 మిలియ‌న్‌ డాల‌ర్ల బ‌డ్జెట్‌తో రూపొందిన `ద ల‌య‌న్ కింగ్‌`… ఇప్ప‌టి వ‌ర‌కు 1.438 బిలియ‌న్ డాల‌ర్ల కలెక్షన్ల‌ను సాధించి తొమ్మిదో స్థానంలో నిలచింది. ఇంతవరకు ‘అవెంజర్స్ – ఏజ్ ఆఫ్ అల్ట్రాన్'(2015) 1.405 బిలియ‌న్ డాల‌ర్ల వసూళ్లతో తొమ్మిదో స్థానంలో ఉండగా… ఇప్పుడు ఆ స్థానాన్ని `ద ల‌య‌న్ కింగ్‌` ఆక్రమించ‌డం విశేషం. ఇక ఈ జాబితాలో… `అవెంజర్స్.. ఎండ్ గేమ్`(2.795 బిలియ‌న్ డాల‌ర్లు), `అవ‌తార్‌` (2.789 బిలియ‌న్ డాల‌ర్లు), `టైటానిక్‌`(2.187 బిలియ‌న్ డాల‌ర్లు) తొలి మూడు స్థానాల్లో కొనసాగుతున్నాయి.
మ‌రి… ఇంకా థియేట‌ర్ల‌తో ప్ర‌ద‌ర్శిత‌మ‌వుతున్న `ద ల‌య‌న్ కింగ్‌` ఫుల్ ర‌న్‌లో ఏ స్థానానికి చేరుకుంటుందో చూడాలి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
