టైటిల్ అన్వేష‌ణ‌లో శ‌ర్వానంద్ చిత్రం

యువ కథానాయకుడు శర్వానంద్, టాలెంటెడ్ డైరెక్టర్ సుధీర్ వర్మ కాంబినేషన్‌లో ఓ గ్యాంగ్ స్ట‌ర్ డ్రామా తెరకెక్కుతున్న విషయం తెలిసిందే. ల‌వ‌ర్ బాయ్‌గా, ఏజ్డ్ గ్యాంగ్‌స్ట‌ర్‌గా… ఇలా రెండు షేడ్స్ ఉన్న పాత్ర‌లో శ‌ర్వానంద్ న‌టిస్తుండ‌గా… అత‌నికి జోడీగా కాజల్ అగర్వాల్‌, క‌ళ్యాణి ప్రియ‌ద‌ర్శ‌న్ హీరోయిన్లుగా న‌టిస్తున్నారు.

ఇదిలా ఉంటే.. చిత్రీక‌ర‌ణ తుది ద‌శ‌కు చేరుకున్న ఈ సినిమాకి సంబంధించి నాలుగు ఆస‌క్తిక‌ర‌మైన టైటిల్స్‌ పరిశీలనలో ఉన్నట్టు తెలుస్తోంది. క‌థ‌, హీరో క్యారెక్ట‌ర్‌కు త‌గ్గ‌ట్టుగా ‘దళపతి’, ‘రణరంగం’, ‘వ్యూహం’, పార్థు అనే నాలుగు టైటిల్స్‌ను పరిశీలిస్తున్నారట. వీటిలో ‘దళపతి’ అయితే… ఈ సినిమాకు యాప్ట్‌గా ఉంటుందని భావిస్తోంద‌ట యూనిట్‌. అయితే… ఇప్పటికే ఈ టైటిల్‌ను వేరే నిర్మాత రిజిస్టర్ చేయించడంతో.. టైటిల్ విష‌యంలో పునరాలోచనలో పడిందట చిత్ర యూనిట్. ఒకవేళ ‘దళపతి’ టైటిల్ దొరకని పక్షంలో ‘రణరంగం’, ‘వ్యూహం’, పార్థు లలో ఏదో ఒక టైటిల్‌ను ఫిక్స్ చేసే అవకాశం ఉన్నట్టు వినికిడి. త్వ‌ర‌లోనే శ‌ర్వానంద్ కొత్త చిత్రం టైటిల్‌పై క్లారిటీ వ‌స్తుంది. కాగా… జూలై 5న ఈ సినిమా రిలీజ్ కానుంద‌ని టాక్‌.

[subscribe]
[youtube_video videoid=Q8O_RADN9U0 ]