మిలియ‌న్ డాల‌ర్ల క్ల‌బ్‌లో.. మ‌హేష్ న‌యా రికార్డు

సూపర్ స్టార్ మహేష్ బాబు క‌థానాయ‌కుడిగా నటించిన 25వ చిత్రం ‘మహర్షి’. ఈ నెల 9న ప్రపంచవ్యాప్తంగా విడుదలైన ఈ సినిమా… ఇటు అభిమానులు, ప్రేక్షకులతో పాటు సినీ ప్రముఖులను కూడా విశేషంగా అలరిస్తోంది. అంతేకాదు… బాక్సాఫీస్ వ‌ద్ద కూడా కాసుల పంట పండిస్తోంది. కేవలం తెలుగు రాష్ట్రాల్లోనే కాకుండా… ఓవర్సీస్‌లోనూ మరోసారి సత్తా చాటుతున్నాడు మహేష్. శనివారం నాటికి మ‌హ‌ర్షి 1 మిలియన్ డాలర్ క్లబ్‌లో చేరడంతో… టాలీవుడ్ నుంచి ఈ క్లబ్‌లో చేరిన తొలి ట్రిపుల్ హ్యాట్రిక్ హీరోగా మహేష్ చరిత్ర సృష్టించాడు.

‘దూకుడు’(2011)తో ప్రారంభమైన మహేష్ మిలియ‌న్ డాల‌ర్ల హ‌వా… ఆ తరువాత‌ ‘సీతమ్మవాకిట్లో సిరిమల్లె చెట్టు’(2013), ‘1 నేనొక్కడినే’(2014), ‘ఆగడు’(2014), ‘శ్రీమంతుడు’(2015), ‘బ్రహ్మోత్సవం’(2016), ‘స్పైడర్’(2017), ‘భరత్ అనే నేను’(2018), ‘మహర్షి’(2019) వరకు కొన‌సాగుతూనే ఉంది. 2012లో (బిజినెస్‌మేన్) మినహా ప్రతీ ఏటా ఈ హ్యాండ్స‌మ్‌ హీరో నటించిన ప్రతీ సినిమా ఈ క్లబ్‌లో చేరుతుండడం విశేషం. మున్ముందు.. మ‌హేష్ ఖాతాలో ఇంకెన్ని మిలియ‌న్ డాల‌ర్ల మూవీలు చేరుతాయో చూడాలి మ‌రి.

[subscribe]
[youtube_video videoid= eTCgaFWwKQA]