చిరంజీవి జ.వీ.అ.లో.సు.డేట్ కు మహేష్ మహర్షి

Mahesh Babu Maharshi Movie To Release On A Special Day,Telugu Film Updates,Tollywood Cinema News,2019 Latest Telugu Movie News,Maharshi Movie To Release On A Special Day,Maharshi Movie Gets a Release Date,Maharshi Movie Release Date on May 9th,Maharshi Telugu Movie Latest Updates
Mahesh Babu Maharshi Movie To Release On A Special Day

అన్ని సమయాలలోనూ, అన్ని విషయాలలోనూ అనుకున్నవి అనుకున్నట్లుగా జరగవు. ముఖ్యంగా  సినిమా అనే గ్లామర్ ప్రపంచంలో
అన్నీ అనుకున్నట్లుగానే జరుగుతాయి అనుకోవటం అత్యాశే అవుతుంది. అందుకే ఇక్కడ అప్పుడప్పుడు అనుకున్న కార్యక్రమాలు అనుకోకుండా వాయిదా పడుతుంటాయి.

వంశీ పైడిపల్లి దర్శకత్వంలో “మహేష్ 25″ వర్కింగ్ టైటిల్ గా ” మహర్షి” ప్రకటిత టైటిల్ గా నిర్మితమవుతున్న మహేష్ బాబు తాజా చిత్రం ఏప్రిల్ 5న విడుదల చేస్తామని మొదట ప్రకటించారు నిర్మాతలలో ఒకరైన దిల్ రాజు. ఆ తరువాత అది ఏప్రిల్ 25 కు వాయిదా పడింది. ఈ నేపథ్యంలో చిత్ర నిర్మాణ కార్యక్రమాల మీద మీడియా లో రకరకాల కథనాలు, భిన్నాభిప్రాయాలు  వినిపించాయి. వాస్తవ పరిస్థితులకు భిన్నంగా, ప్రాజెక్ట్ క్రెడిబిలిటీని దెబ్బతీసే విధంగా జరుగుతున్న కొన్ని అనుచిత ప్రచారాలకు  చెక్ పెట్టేందుకు ఈరోజు నిర్మాత దిల్ రాజు తన కార్యాలయంలో  ఒక ప్రెస్ మీట్ ఏర్పాటుచేశారు.

ఈ ప్రెస్ మీట్ లో  ‘మహర్షి’ చిత్ర నిర్మాణ విశేషాలను తెలియజేస్తూ “మార్చి 17 తో  “మహర్షి”  టాకీ పార్ట్ పూర్తవుతుంది.  రెండు పాటలు, ప్యాచ్ వర్కు మాత్రమే బ్యాలెన్స్ ఉంటుంది. ఏప్రిల్ మొదటి వారానికి షూటింగ్ పార్ట్ పూర్తి చేసి “మహర్షి”ని    మే  9వ తేదీన విడుదల చేస్తున్నాం” అని ప్రకటించారు.

” మా నిర్మాతలలో ఒకరైన అశ్వని దత్ గారు తను నిర్మించిన జగదేకవీరుడు అతిలోకసుందరి, మహానటి చిత్రాలను మే 9న విడుదల చేసి అద్భుత విజయాలను సాధించారు. సెంటిమెంటల్ గా అచ్చి వచ్చిన ఆ  డేట్ కే ” మహర్షి” చిత్రాన్ని విడుదల చేస్తున్నాం”- అని ప్రకటించారు దిల్ రాజు.

దీనితో మహర్షి చిత్రనిర్మాణ వివరాలు, విశేషాల పై మీడియాలోనూ తద్వారా అభిమానుల్లోనూ ఏర్పడిన అనుమానాలకు, అపోహలకు ముగింపు పలికారు నిర్మాతలు అశ్వినీ దత్, దిల్ రాజు అండ్ పొట్లూరి వి ప్రసాద్.

Subscribe to our Youtube Channel Telugu Filmnagar for the latest Tollywood updates.
Download the My Mango App for more amazing videos from the Tollywood industry.


LEAVE A REPLY

Please enter your comment!
Please enter your name here