హీరో స్వంత బ్యానర్ లో హీరోగా దర్శకుడు

తరుణ్ భాస్కర్ దర్శకత్వంలో సెన్సేషనల్ స్టార్ విజయ్ దేవరకొండ హీరో గా రూపొందిన పెళ్ళిచూపులు మూవీ ఘన విజయం సాధించిన విషయం తెలిసిందే. ఇప్పుడు ఆ కాంబినేషన్ రిపీట్ అవుతుంది కానీ తరుణ్ భాస్కర్ హీరోగా, విజయ్ దేవరకొండ నిర్మాతగా ఒక మూవీ రూపొందనుంది. తరుణ్ భాస్కర్ సక్సెస్ ఫుల్ మూవీస్ మహానటి, సమ్మోహనం లలో అతిథి పాత్రలలో నటించారు. ఈ సినిమాతో తరుణ్ భాస్కర్ హీరోగా మారుతున్నారు.

హీరో విజయ్ దేవరకొండ స్వంత బ్యానర్ కింగ్ ఆఫ్ ది హిల్ పై నూతన దర్శకుడు షమీర్ దర్శకత్వంలో తరుణ్ భాస్కర్ హీరో గా రూపొందనున్న మూవీ పూజ కార్యక్రమం ఫిబ్రవరి 7వ తేదీ జరిగింది. ఒక సక్సెస్ ఫుల్ హీరో , ఒక దర్శకుడికి హీరోగా అవకాశం కల్పించడం విశేషం. ఈ మూవీ కింగ్ ఆఫ్ ది హిల్ బ్యానర్ పై రూపొందనున్న మొదటి చిత్రం.