కొత్త దర్శకులను ప్రోత్సహించడంలో అగ్ర కథానాయకుడు నాగార్జున ఎప్పుడూ ముందుంటారు. అలా… నాగార్జున పరిచయం చేసిన దర్శకులలో కళ్యాణ్ కృష్ణ ఒకరు. నాగార్జున ద్విపాత్రాభినయంలో కళ్యాణ్ కృష్ణ రూపొందించిన ఆ చిత్రమే `సోగ్గాడే చిన్నినాయనా`. ఫాంటసీ ఎలిమెంట్స్తో రూపొందిన ఈ ఫ్యామిలీ ఎంటర్టైనర్లో కుటుంబ విలువలు, హాస్యం, రొమాన్స్… ఇలా అన్ని అంశాలకు స్థానముంటుంది. నాగార్జునకి జోడీగా రమ్యకృష్ణ, లావణ్య త్రిపాఠి నటించిన ఈ చిత్రంలో అనుష్క అతిథి పాత్రలో మెరిసింది. అనసూయ, హంసా నందిని, బ్రహ్మానందం, సంపత్ రాజ్, నాజర్ తదితరులు ఇతర ముఖ్య పాత్రలు పోషించారు. అనూప్ రూబెన్స్ సంగీత సారథ్యంలో రూపొందిన పాటలన్నీ విశేషాదరణ పొందాయి. కన్నడంలో ఈ చిత్రాన్ని `ఉపేంద్ర మట్టే బా` పేరుతో రీమేక్ చేయగా… ఉపేంద్ర, ప్రేమ, శ్రుతి హరిహరన్ ముఖ్య పాత్రల్లో నటించారు. సంక్రాంతి కానుకగా జనవరి 15, 2016న విడుదలైన `సోగ్గాడే చిన్నినాయనా`… నాగార్జున కెరీర్లోనే హయ్యస్ట్ గ్రాసర్గా నిలిచింది. నేటితో ఈ సినిమా ప్రేక్షకుల ముందుకొచ్చి మూడేళ్ళు పూర్తవుతున్నాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: