సూపర్ స్టార్ మహేష్ బాబు , కీర్తి సురేష్ జంటగా మైత్రీ మూవీ మేకర్స్ , 14 రీల్స్ ప్లస్ , జి ఎమ్ బి ఎంటర్ టైన్ మెంట్ బ్యానర్స్ పై పరశురామ్ దర్శకత్వంలో తెరకెక్కుతున్న యాక్షన్ కామెడీ “సర్కారు వారి పాట” మూవీ 2022 సంవత్సరం మే 12 వ తేదీ రిలీజ్ కానుంది.థమన్ ఎస్ సంగీతం అందిస్తున్నారు. చిత్ర యూనిట్ రిలీజ్ చేసిన పోస్టర్స్ , మహేష్ బాబు బర్త్ డే బ్లాస్టర్ ప్రేక్షకులను విశేషంగా ఆకట్టుకున్నాయి. సర్కారు వారి పాట”మూవీ షూటింగ్ ముగింపు దశలో ఉంది.“సర్కారు వారి పాట” చిత్ర యూనిట్ ప్రేమికుల రోజు సందర్భంగా “కళావతి” లిరికల్ సాంగ్ ను రిలీజ్ చేసింది.
1@123telugu
.@MusicThaman dances for the #Kalaavathi song along with #Sekhar master 💥💥
సంగీత దర్శకుడు థమన్ ఎస్ స్వరకల్పనలో అనంత శ్రీరామ్ రచన ,సిద్ శ్రీరామ్ ఆలపించిన “కళావతి “మెలోడీ సాంగ్ ప్రేక్షకులను ఆకట్టుకుని భారీ వ్యూస్ తో యూట్యూబ్ లో దూసుకుపోతోంది.ఈ సాంగ్ లో మహేష్ బాబు , కీర్తి సురేష్ ల జంట క్యూట్ గా ఉండి ప్రేక్షకులను ఆకట్టుకుంది. కళావతి సాంగ్ కు మహేష్ బాబు తనయ సితార , కీర్తి సురేష్ అద్భుతంగా పెర్ఫార్మ్ చేసి ఆ వీడియోస్ తో ప్రేక్షకులను అలరించిన విషయం తెలిసిందే. ఇప్పుడు ‘కళావతి’ పాటకు సంగీత దర్శకుడు ఎస్. ఎస్. థమన్ సిగ్గుపడుతూ స్టెప్స్ వేశారు. ఈ పాటలో మహేశ్ బాబు వేసిన హుక్ స్టెప్ని, డ్యాన్స్ మాస్టర్ శేఖర్తో కలిసి థమన్ చేశారు. ఆ డ్యాన్స్ చేస్తున్న వీడియోని థమన్ స్వయంగా తన సోషల్ మీడియా అకౌంట్స్లో షేర్ చేశారు. ఇప్పుడీ ఆ వీడియో వైరల్ అవుతోంది.