ఒకవైపు బుల్లితెర వ్యాఖ్యాతగా రాణిస్తూనే.. మరోవైపు వెండితెరపై వెలుగులు పంచుతోంది టాలెంటెడ్ బ్యూటీ అనసూయ. `రంగస్థలం`లోని “రంగమ్మ” పాత్రతో నటిగా మరోమెట్టు ఎదిగిన అను.. ప్రస్తుతం క్రియేటివ్ డైరెక్టర్ కృష్ణవంశీ రూపొందిస్తున్న `రంగమార్తాండ`లో కీలక పాత్రలో నటిస్తోంది. వినిపిస్తున్న కథనాల ప్రకారం రంగస్థల నటిగా ఆమె పాత్ర ఉంటుందని తెలిసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే.. నటన నుంచి విశ్రాంతి తీసుకున్న ఓ స్టేజ్ ఆర్టిస్ట్ విషాదకర జీవితమే `రంగమార్తాండ` చిత్రం. మరాఠీ బ్లాక్ బస్టర్ `నట సామ్రాట్`కి రీమేక్గా రూపొందుతున్న ఈ ఎమోషనల్ డ్రామాలో విలక్షణ నటుడు ప్రకాష్ రాజ్, వెటరన్ యాక్ట్రస్ రమ్యకృష్ణ ప్రధాన పాత్రలు పోషిస్తుండగా.. అనసూయ రంగస్థల నటిగా కనిపించనుందని టాక్. ఊరూరా తిరుగుతూ నాటకాలు ప్రదర్శించే ఓ కళాకారిణిగా ఆమె దర్శనమివ్వనున్నట్టు చెబుతున్నారు. అంతేకాదు.. రమ్యకృష్ణ కూతురిగా అనసూయ పాత్ర ఉంటుందని కూడా వార్తలు వినిపిస్తున్నాయి. త్వరలోనే అనసూయ పాత్రకు సంబంధించి పూర్తి స్పష్టత వచ్చే అవకాశం ఉంది.
కాగా, మ్యూజిక్ మ్యాస్ట్రో ఇళయరాజా సంగీతమందిస్తున్న ఈ ఇంట్రెస్టింగ్ వెంచర్ను.. ఈ ఏడాది ద్వితీయార్థంలో ప్రేక్షకుల ముందుకు తీసుకురావడానికి సన్నాహాలు చేస్తోంది చిత్ర బృందం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: