ఆది పినిశెట్టి కొత్త సినిమా ప్రారంభం

హీరో, విలన్, క్యారెక్టర్ ఇలా ఏ పాత్ర అయినా ఇచ్చినా సరే చేయగలిగిన నటుల్లో ఆది పినిశెట్టి కూాడా ఉంటాడని చెప్పడంలో ఎలాంటి అతిశయోక్తి లేదు. ఆయన చేసిన సినిమాలను చూస్తే ఈ విషయం మనకి స్పష్టంగా అర్థమవుతుంది. సరైనోడు సినిమాలో విలన్ గా.. రంగస్థలం సినిమాలో కుమార్ బాబు క్యారెక్టర్ గురించి అయితే చెప్పనక్కర్లేదు.. అలా ఆది లో ఉన్న డిఫరెంట్ యాంగిల్స్ చూసి అందరూ ఫిదా అయిపోయారు. ఈ నేపథ్యంలో అటు విలన్ పాత్రలను .. కీలకమైన పాత్రలను చేస్తూనే, మరోవైపున హీరోగా వచ్చిన అవకాశాలను అందిపుచ్చుకుండూ కెరీర్ లో దూసుకుపోతున్నాడు.

దీనిలో భాగంగానే ఆది పినిశెట్టి హీరోగా మరో కొత్త సినిమాకు గ్రీన్ సిగ్నల్ ఇచ్చాడు. మనోజ్ దామోదర్ దర్శకత్వంలో ఆర్ ఎఫ్ సి క్రియేషన్స్ బ్యానర్ పై నిర్మిస్తున్న ఈ సినిమాకు ‘పార్ట్ నర్’ అనే టైటిల్ ను కుడా ఖరారు చేశారు చిత్రయూనిట్. ఇదిలా ఉండగా తాజాగా ఈ సినిమా పూజా కార్యక్రమాలను జరుపుకుంది. రెగ్యులర్ షూటింగును కూడా త్వరలోనే మొదలుపెట్టేయనున్నారు. కాగా ఈసినిమాలో ఆది సరసన హన్సిక కథానాయికగా నటిస్తుంది. మరి ఈసినిమా గురించి మరిన్ని విషయాలు తెలియాలంటే మాత్రం కొద్ది రోజులు వెయిట్ చేయాల్సిందే.