హిప్పీ టీజర్ రిలీజ్

ఆర్ఎక్స్ 100 సినిమాతో సన్సేషనల్ హీరోగా మారిన కార్తికేయ ఈసారి ‘హిప్పీ’ అంటూ ప్రేక్షకుల ముందుకు రానున్నాడు. టి ఎన్ కృష్ణ దర్శకత్వంలో కార్తికేయ హీరోగా తెలుగు, తమిళ భాషలలో హిప్పీ సినిమా తెరకెక్కుతున్న సంగతి తెలిసిందే. ఇప్పటికే ఈ చిత్రానికి సంబంధించిన పోస్టర్లు, స్టిల్స్ యూత్‌లో విపరీతమైన క్రేజ్‌ను పెంచాయి. ఇక గత కొద్ది కాలంగా షూటింగ్ జరుపుకుంటున్న ఈ సినిమా టీజర్ ను తాజాగా రిలీజ్ చేశారు. నేచురల్ స్టార్ నాని తన ట్విట్టర్ ద్వారా టీజర్ ను రిలీజ్ చేశారు.

కాగా ఈ సినిమాలో హీరో కార్తీకేయ సరసన దిగంగన హీరోయిన్‌గా నటిస్తుంది. భారీ బడ్జెట్ నిర్మాణ సంస్థ వి క్రియేషన్స్ బ్యానర్ పై కలైపులి ఎస్ థాను ఈ చిత్రాన్ని నిర్మిస్తున్నాడు. నివాస్ ప్రసన్న సంగీతం అందిస్తున్నారు. ఈ సినిమాకు సినిమాటోగ్రఫి ఆర్.డి రాజశేఖర్. మరి ఒక్క చిత్రంతోనే ఊహించని స్టార్ డం ని అందుకున్న కార్తికేయ.. హిప్పీ తో తమిళనాట కూడా ప్రూవ్ చేసుకోవాలనే ఉత్సాహంతో ఉన్నాడు. మరి ఈ సినిమా కార్తికేయకు హిట్ నిస్తుందా ? లేదా చూడాలి.