ఆర్ఆర్ఆర్ సినిమా గురించి మొదటిసారి నోరువిప్పిన జక్కన్న

రాజమౌళి దర్శకత్వంలో ఎన్టీఆర్, రామ్ చరణ్ కాంబినేషన్ లో భారీ మల్టీస్టారర్ తెరకెక్కుతున్న సంగతి తెలిసిందే. ప్రస్తుతం ఈ సినిమా షూటింగ్ జరుపుకుంటుంది. రామ్ చరణ్ పై పలు కీలక సన్నివేశాలను రాజమౌళి తెరకెక్కిస్తున్నాడు. ఇక తారక్ కూడా హాలీడే ట్రిప్ నుండి వచ్చేశాడు కాబట్టి కాబట్టి తాను కూడా త్వరలో షూటింగ్ లో పాల్గొనే అవకాశం ఉంది.

ఇదిలా ఉండగా ఈ సినిమా గురించి మొదటి సారి రాజమౌళి స్పందించారు. బోస్టన్ లో గోదావరి రెస్టారెంట్ టీమ్ రాజమౌళిని ఆహ్వానించిన సంగతి తెలిసిందే కదా. అక్కడ హార్వర్డ్ యూనివర్శిటీలో కాన్ఫరెన్స్ కు వెళ్లిన రాజమౌళి అక్కడ ఆర్ఆర్ఆర్ సినిమా గురించి ప్రస్తావించడం జరిగింది. ఇది ఏ ఒక్క రాష్ట్రానికో.. ఏ ఒక్క ఇండస్ట్రీకో సంబంధించిన సినిమా కాదు… దేశ వ్యాప్తమైన సినిమా ఇది… అంతేకాదు.. బాహుబలిలాగే ఈ సినిమా కూడా భారీ బడ్జెట్ తో.. భారీ క్యాస్టింగ్ ఉంటుందని చెప్పారు. మొత్తానికి ఇన్ని రోజులు ఆర్ఆర్ఆర్ గురించి నోరు విప్పని జక్కన్న మొదటి సారి ఈ సినిమా గురించి పలు ఆసక్తికర విషయాలు తెలిపారు.

కాగా దాదాపు 300 కోట్ల రూపాయ‌ల బ‌డ్జెట్‌తో తెర‌కెక్కుతున్న ఈ భారీ బ‌డ్జెట్ సినిమాకు డీవీవీ దాన‌య్య నిర్మిస్తున్నారు. ప్ర‌స్తుతం షూటింగ్ ద‌శ‌లో ఉన్న ఈ సినిమాలో హీరోయిన్లు.. మిగిలిన క్యాస్టింగ్ వివరాలు కూడా తెలియాల్సి ఉంది. మరి ఈ విషయంలో రాజమౌళి ఎప్పుడు క్లారిటీ ఇస్తారో చూద్దాం..