గుండెపోటుతో డీఎస్‌ దీక్షితులు కన్నుమూత

ప్రముఖ సినీ, రంగస్థల నటుడు డీఎస్‌ దీక్షితులు (దీవి శ్రీనివాస దీక్షితులు) కన్నుమూశారు. ఓ సినిమా చిత్రీకరణలో ఉండగా ఆయనకు గుండెపోటు రావడంతో ఆయనను ఆస్పత్రికి తరలించగా.. మార్గమద్యంలోనే ఆయన కన్నుమూసినట్టు వైద్యులు తెలిపారు. కృష్ణవంశీ దర్శకత్వంలో మహేష్ బాబు కథానాయకుడిగా తెరకెక్కిన మురారి చిత్రంలో పూజారిగా నటించిన ఈయనకు ఆ సినిమాలో మంచి పేరొచ్చింది. ఇంద్ర, ఠాగూర్‌, అతడు, వర్షం తదితర విజయవంతమైన చిత్రాల్లో ఆయన నటించి మెప్పించారు.

ఈయన స్వస్థలం గుంటూరు జిల్లా రేపల్లె. హనుమంతాచార్యులు, సత్యవతమ్మ దంపతులకు గుంటూరు జిల్లా, రేపల్లెలో 1956, జులై 28 న దీక్షితులు జన్మించారు.