ఎన్టీఆర్ కథానాయకుడు మూవీ హైలైట్స్

క్రిష్ దర్శకత్వంలో మహానటుడు నందమూరి తారకరామారావు జీవితకథ ఆధారంగా ఆయన బయోపిక్ తెరకెక్కుతున్న సంగతి తెలిసిందే. ఎన్టీఆర్ పాత్రలో తనయుడు బాలకృష్ణ నటిస్తుండగా..అలనాటి స్టార్ హీరోలు..హీరోయిన్ల పాత్రల్లో ఈనాటి స్టార్ హీరోలు..హీరోయిన్లు నటిస్తున్నారు. ఇక రెండు భాగాలుగా తెరకెక్కుతున్న ఈ సినిమాలో మొదటి పార్ట్ ‘కథానాయకుడు’జనవరి 9న విడుదల కానుంది. ఇక తాజాగా ఈ చిత్రం సెన్సార్ కార్యక్రమాలను కూడా పూర్తి చేసుకుని ‘యు’ సర్టిఫికెట్‌ని పొందింది. 2 గంటల యాభై నిమిషాల నిడివితో ఉన్న ఈ పార్ట్ లో ఎలాంటి సెన్సార్ కట్స్ పడలేకుండా క్లీన్ యూ సొంతం చేసుకుంది.

* ఇక సెన్సార్ రిపోర్ట్ ను బట్టి చూస్తుంటే ఈ సినిమాలో చాలా హైలైట్స్ ఉన్నట్టు తెలుస్తోంది. అందులో మొదటిగా చెప్పుకోవాల్సింది బాలకృష్ణ గురించట. ఎన్టీఆర్ పాత్రలో నటించిన బాలకృష్ణ ఔట్ స్టాండింగ్ ఫెర్మామెన్స్ ఇచ్చారట.

* మరో హైలైట్ సినిమాటోగ్రఫి.. జ్ఞాన శేఖర్ అందించిన సినిమాటోగ్రఫి ఈ సినిమాకు మరో హైలైట్ గా నిలిచిందంటున్నారు. పిరియాడిక్ డ్రామా బ్యాక్ డ్రాప్ గా తెరకెక్కుతున్న ఈ సినిమాను..జ్ఞాన శేఖర్ తన సినిమాటోగ్రఫి ద్వారా ఆనాటి కాలానికి (1950, 60, 70, 80) తీసుకెళతారట.

* దివిసీమ ఫ్లడ్స్ ఎపిసోడ్ ఈ సినిమాకు మరో హైలైట్ గా నిలిచినట్టు రిపోర్ట్స్ ద్వారా తెలుస్తోంది. ఎం.ఎం.కీరవాణి బ్యాక్ గ్రౌడ్ మ్యూజిక్ కూడా ఈ సినిమాకు మరో ప్లస్ పాయింట్ అంటున్నారు.

* మరి ముఖ్యంగా చెప్పుకోవాల్సింది.. ఈ సినిమాలో నటీ నటుల ఎంపిక. ఈ సినిమాలో ఆర్టిస్టుల ఎంపిక మరొక హైలైట్ గా నిలిచిందని తెలుస్తోంది. వారి వారి పాత్రల్లో చాలా బాగా నటించినట్టు తెలుస్తోంది.

* బాలకృష్ణ మరియు విద్యాబాలన్ మధ్య వచ్చే కొన్ని సన్నివేశాలు మనసుకు హత్తుకునేలా ఉంటాయట.

* ఇక మరో హైలైట్ ఈ సినిమా రన్ టైమ్. ఎన్టీఆర్ కథానాయకుడు సినిమా నిడివి రెండు గంటల 50 నిమిషాలు

* మరి ఈ హైలైట్స్ చూడాలంటే జనవరి 9వ తేదీ వరకూ ఆగాల్సిందే.