పెదకాపు-1 నా కెరీర్‌లో గర్వంగా చెప్పుకునే సినిమా – ఛోటా కె. నాయుడు

September 13, 2023

టాలీవుడ్ యంగ్ టాలెంటెడ్ హీరో విరాట్ కర్ణ ప్రధానపాత్రలో సెన్సిబుల్ డైరెక్టర్ శ్రీకాంత్ అడ్డాల దర్శకత్వంలో రూపొందుతున్న న్యూ ఏజ్ పొలిటికల్ థ్రిల్లర్ ‘పెదకాపు-1’. ‘అఖండ’తో సాలిడ్ బ్లాక్‌బస్టర్‌ను అందించిన ద్వారకా క్రియేషన్స్‌పై మిర్యాల రవీందర్ రెడ్డి నిర్మిస్తున్న ఈ చిత్రాన్ని ప్రతిష్టాత్మకంగా నిర్మిస్తున్నారు. ఇటీవలే రిలీజ్ చేసిన ఈ సినిమా ట్రైలర్ కు ట్రెమండస్ రెస్పాన్స్ వస్తోంది. సెప్టెంబర్ 29వ తేదీన ప్రేక్షకుల ముందుకు రానున్న నేపథ్యంలో మూవీ యూనిట్ ప్రస్తుతం ప్రమోషన్ కార్యక్రమాల్లో బిజీగా ఉంది. ఈ క్రమంలో ఈ చిత్రానికి డివోపీగా పనిచేసిన స్టార్ సినిమాటోగ్రఫర్ ఛోటా కె. నాయుడు విలేకరుల సమావేశంలో చిత్ర విశేషాలని పంచుకున్నారు. ఈ సందర్భంగా సినిమాకు సంబంధించిన కొన్ని విశేషాలను, తన అనుభవాలను ఆయన తెలియజేశారు.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:

లేటెస్ట్ తెలుగు మూవీస్

‘పెదకాపు-1‘ గురించి ఛోటా కె. నాయుడు మాటల్లో..

శ్రీకాంత్ అడ్డాల తొలి చిత్రం ‘కొత్త బంగారులోకం’ చేసినప్పటినుంచి మా జర్నీ మొదలైయింది.
తన సినిమాల్లానే శ్రీకాంత్ చాలా కూల్ గా వుంటారు. నాకొక కె విశ్వనాథ్ గారిలా అనిపిస్తారు.
అయితే నారప్పతో ఆయనలో ఒక కొత్త ట్రాన్స్ ఫర్మేషన్ వచ్చింది. ఇందులో తను నటన కూడా మొదలుపెట్టారు.
శ్రీకాంత్ ఇలాంటి ఒక సినిమా డైరెక్టర్ చేసి ఇలాంటి అవుట్ పుట్ ఇవ్వడం ఒక కెమెరామెన్ గా నాకు షాక్ ఇచ్చింది.
పని చేయడం నాకు చాలా ఇష్టం. నేను చాలా ఇష్టపడి పని చేస్తాను.
ఈ కథ కొత్త ప్యాట్రన్, కొత్త కలర్స్, మేకింగ్ ని డిమాండ్ చేయడంతో ఇది నాకు సవాల్ గా అనిపించింది.
పీసీ శ్రీరామ్ గారితో పోల్చుకునేంటంత గొప్పోడినైతే కాదు. విఎస్ఆర్ స్వామీ గారు, విన్సెంట్ గారు, పీసీ శ్రీరామ్ వీళ్ళంతా గొప్పోళ్ళు.
ట్రైలర్ చూసినప్పుడు విజువల్ గా చాలా ఇంపాక్ట్ గా వున్నాయి. ఇలాంటి బెస్ట్ అవుట్ పుట్ రావడంలో క్రెడిట్ దర్శకుడిదే.
చిన్నా పెద్ద అని కాదు, హీరో స్థానాన్ని ఎప్పుడూ గౌరవిస్తాను. ఆ కథానాయకుడు ఎలా ఉండాలో కెమరామెన్ గా నాకొక విజన్ వుంటుంది.
విరాట్ తో పని చేస్తున్నప్పుడు తను కొత్తవాడు అనే ఫీలింగ్ రాలేదు. అనుభవం వున్న నటుడిలానే చాలా అద్భుతంగా చేశాడు.
ఇందులో ఒక డిఫరెంట్ క్యారెక్టర్ వుంది. ఆ పాత్ర కోసం ఎవరిని తీసుకోవాలని ఆలోచిస్తున్నప్పుడు అనసూయ ఐతే బాగుంటుందని అనుకున్నాం.
మేము అనుకున్నదాని కంటే అద్భుతంగా చేసింది తను. ఈ పాత్రే కాదు.. దర్శకుడు శ్రీకాంత్ ఇందులో ప్రతి పాత్రని చాలా చక్కగా డిజైన్ చేశాడు.
నిజంగా శ్రీకాంత్ నటుడిగా ఆశ్చర్యపరిచాడు. ఎంత కష్టమైన షాట్ ని కూడా సింగల్ టేక్ లో చేసేశాడు.
పెదకాపు ఎంత మంచి, గొప్ప సినిమానో.. పెదకాపు 2 కూడా వుందంటే అర్ధం చేసుకోవచ్చు.
మీరు ట్రైలర్ లో చూస్తే ఒక అమ్మాయి ఎండిపోయిన చెట్టుకి హ్యాంగ్ చేయబడి కనిపిస్తుంది. సినిమాలో ఆ సన్నివేశం చాలా కీలకంగా వుంటుంది.
ఆ సన్నివేశంలో దాదాపు వెయ్యి మంది జూనియర్ ఆర్టిస్ట్ లు వుంటారు. ఒక రోజు మొత్తం ఆ పాత్ర పోషించిన అమ్మాయి హ్యాంగింగ్ పొజిషన్ లోనే వుంది.
నేను కెమరామెన్ ఐతే గోదారిని ఇలా వాడుకోవాలని వుండేది. కొత్తబంగారు లోకంలో గోదారిని ఒక్క స్థాయి వరకే వాడాను. ఈ సినిమాలో పూర్తిగా వాడే ఛాన్స్ దొరికింది.
ఈ సినిమాలో మరో పెద్ద ఎలిమెంట్.. వూర్లో జెండాకర్ర పాతడానికి హీరో అండ్ బ్యాచ్ పడే స్ట్రగుల్ చాలా ఆసక్తికరంగా వుంటుంది.
దీని కోసం అడవిలో ఓ పెద్ద చెట్టుని నరికి తెచ్చి పాతుతారు. ఈ చెట్టు పాతే ఎపిసోడ్ షూట్ చేయడం నా కెరీర్ లో ఓ అద్భుతం.
దీనికి క్రియేటర్ శ్రీకాంత్ ఐతే.. భుజాన మోసింది ఫైట్ మాస్టర్ పీటర్ హెయిన్స్. నేను చాలా గర్వంగా చెప్పుకునే ఎపిసోడ్ ఇది.
మిక్కీ జే మేయర్ ఇలాంటి నేపధ్య సంగీతం ఇవ్వడం నాకు సర్ ప్రైజ్ చేసింది.
అలాగే హీరోయిన్ ప్రగతి కూడా టెర్రిఫిక్ గా పెర్ఫార్మ్ చేసింది.
చిరంజీవి గారి సినిమా నవంబర్ నుంచి వుంటుంది.