టాలీవుడ్ లో ఇప్పుడు కొత్త కొత్త కాంబినేషన్స్ అన్నీ తెరపైకి వస్తున్నాయి. ఈనేపథ్యంలోనే ఇప్పుడు మరో క్రేజీ కాంబినేషన్ వస్తుంది. అశ్విన్ రామ్ దర్శకత్వంలో ప్రియదర్శి హీరోగా నభా నటేష్ హీరోయిన్ గా వస్తున్న సినిమా డార్లింగ్. రొమాంటిక్ ఎంటర్ టైనర్ గా వస్తున్న ఈసినిమాను ఈమధ్యే ప్రకటించారు మేకర్స్. అయితే షూటింగ్ మాత్రం ఎప్పుడో ఎప్పుడో మొదలుపెట్టినట్టు తెలుస్తుంది.
రీసెంట్ గానే ఈసినిమా షూటింగ్ కు సంబంధించిన నభా నటేష్ అప్ డేట్ ఇచ్చిన సంగతి తెలిసిందే కదా. తన షూటింగ్ పార్ట్ పూర్తయిందని తెలిపారు. ఇప్పుడు తాజాగా ఈసినిమా షూట్ కు సంబంధించి మరో అప్ డేట్ తో వచ్చారు. ఈసినిమా షూటింగ్ మొత్తం పూర్తయినట్టు చిత్రయూనిట్ అధికారికంగా తమ ట్విట్టర్ ద్వారా తెలియచేశారు.
P@Primeshowtweets
It's a wrap for #Darling , a heartfelt journey through the complexities of love & marriage ❤️🔥
కాగా ఇంకా ఈ సినిమాలో మురళీధర్ గౌడ్, శివ రెడ్డి, కృష్ణ తేజ కీలకపాత్రల్లో నటిస్తున్నారు. చైతన్య రెడ్డి సమర్పణలో నిరంజన్ రెడ్డి ప్రైమ్ షో ఎంటర్ టైనమెంట్ బ్యానర్ పై ఈసినిమాను నిర్మిస్తున్నారు వివేక్ సాగర్ సంగీతం అందిస్తున్నారు.