సాయి తేజ్ విరూపాక్ష టీజర్ రిలీజ్
Sai Dharam Tej Virupaksha Movie Teaser out

మెగా ఫ్యామిలీ నుండి ఇండస్ట్రీలోకి ఎంట్రీ ఇచ్చినా తన సినిమాలతో తనకుంటూ ప్రత్యేకమైన గుర్తింపు తెచ్చుకున్నాడు సాయి తేజ్. గత ఏడాది రిపబ్లిక్ సినిమాతో ప్రేక్షకుల ముందుకు వచ్చిన సాయి తేజ్ ప్రస్తుతం మరో థ్రిల్లర్ సినిమాతో రాబోతున్నాడు. కార్తీక్ దండు దర్శకత్వంలో సాయి తేజ్ హీరోగా విరూపాక్ష సినిమా వస్తున్న సంగతి తెలిసిందే. మిస్టరీ థ్రిల్లర్ నేపథ్యంలో ఈసినిమా తెరకెక్కుతుంది. ప్రస్తుతం ఈసినిమా షూటింగ్ ను పూర్తి చేసుకుంటుంది.
మరోవైపు ఈసినిమా ప్రమోషన్ కార్యక్రమాలను మొదలుపెట్టారు చిత్రయూనిట్. ఇప్పటికే ఈసినిమా టీజర్ ను ఇప్పటికే పవర్ స్టార్ పవన్ కళ్యాణ్ చూసిన సంగతి తెలిసిందే కదా. పవర్ స్టార్ కూడా టీజర్ పై ప్రశంసలు కురిపించడంతో సినిమాపై అంచనాలు పెరిగాయి. అయితే అప్పుడే టీజర్ రిలీజ్ చేయాలి కానీ అప్పుడు సాయి తేజ్ ఫ్యాన్ చనిపోవడంతో టీజర్ రిలీజ్ డేట్ వాయిదా పడింది. తాజాగా ఈసినిమా టీజర్ ను రిలీజ్ చేశారు మేకర్స్. టీజర్ ఆద్యంతం ఆసక్తికరంగా సాగింది. డిఫెరెంట్ కాన్సెప్ట్ తో మిస్టరీ థ్రిల్లర్ గా టీజర్ ఉంది. టీజర్ లోని విజువల్స్ చాలా బాగున్నాయి. బ్యాక్ గ్రౌండ్ మ్యూజిక్ తో టీజర్ మరింత హైలెట్ గా నిలిచింది
కాగా ఈసినిమాలో సంయుక్త మీనన్ కథానాయిక గా నటిస్తుంది. ఇంకా ఈసినిమాలో బ్రహ్మాజీ, అజయ్, సునీల్ తదితరులు పలు కీలకపాత్రల్లో నటిస్తున్నారు. ఇక ఈ సినిమాకు సుకుమార్ స్క్రీన్ ప్లే అందిస్తుండగా.. శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్లు సంయుక్తంగా ఈ సినిమాను నిర్మిస్తున్నాయి. ఈసినిమాకు కాంతార సెన్సేషన్ అంజనీష్ లోక్ నాథ్ సంగీతం అందించనున్నారు.







