క్రేజీ హీరో విజయ్ దేవరకొండ కు జోడీగా శ్రీలీల ?
Sreeleela to Pair up with Vijay Deverakonda

కమర్షియల్ హిట్ పెళ్ళిసందD మూవీతో టాలీవుడ్ కు పరిచయమైన శ్రీలీల, ఆ మూవీలో తన అందం, అభినయంతో ప్రేక్షకులను అలరించిన విషయం తెలిసిందే. మాస్ మహారాజా రవితేజ, శ్రీలీల జంటగా దర్శకుడు త్రినాథరావు నక్కిన దర్శకత్వంలో తెరకెక్కించిన ధమాకా మూవీతో మరొక భారీ సక్సెస్ సొంతం చేసుకుని బాగా ఫామ్ లో ఉన్న శ్రీలీల ప్రస్తుతం వరుస ఆఫర్లు అందుకుంటున్నారు. శ్రీలీల యంగ్ హీరోస్ మూవీస్ తో పాటు సీనియర్ హీరోస్ మూవీస్ లో కూడా నటిస్తున్నారు.
మైత్రీ మూవీ మేకర్స్ బ్యానర్ పై శివ నిర్వాణం దర్శకత్వంలో క్రేజీ హీరో విజయ్ దేవరకొండ, సమంత జంటగా ఖుషి మూవీ తెరకెక్కుతున్న విషయం తెలిసిందే.ఈ మూవీ తరువాత సితార ఎంటర్ టైన్ మెంట్స్ బ్యానర్ పై గౌతమ్ తిన్ననూరి దర్శకత్వంలో విజయ్ దేవరకొండ హీరోగా ఒక మూవీ తెరకెక్కనుంది. ఈ మూవీ లో విజయ్ దేవరకొండ కు జోడీగా సక్సెస్ ఫుల్ చిత్ర హీరోయిన్ శ్రీలీల ఎంపిక అయినట్టు సమాచారం.








