సినిమా సినిమాకు కొత్తదనం ఉండేలా చూసుకునే హీరోల్లో శ్రీవిష్ణు ముందుంటాడు. సినిమా విజయాపజయాలను పట్టించుకోకుండా తను చేసే సినిమాలు డిఫరెంట్ గా ఉండాలని చూసుకుంటాడు. అందుకే శ్రీవిష్ణు నుండి సినిమా వస్తుందంటే ప్రేక్షకులకు కూడా ఇంట్రెస్టింగ్ గా ఉంటుంది. గత ఏడాది అల్లూరి సినిమాతో ప్రేక్షకుల ముందుకు వచ్చాడు శ్రీ విష్ణు. ఇక ఇప్పుడు మరో సినిమాతో ప్రేక్షకుల ముందుకు రానున్నాడు. రామ్ అబ్బరాజు దర్శకత్వంలో శ్రీ విష్ణు హీరోగా వస్తున్న సినిమా సామజవరగమన. ప్రస్తుతం ఈసినిమా షూటింగ్ ను పూర్తిచేసుకుంటుంది.
మరోవైపు ఈసినిమా ప్రమోషన్ కార్యక్రమాలు కూడా మొదలుపెట్టారు. నేడు శ్రీవిష్ణు పుట్టినరోజు సందర్భంగా ఈసినిమా నుండి గ్లింప్స్ ను రిలీజ్ చేశారు. ఇక గ్లింప్స్ అయితే ఆకట్టుకుంటుంది. డిఫరెంట్ కాన్సెప్ట్ తో రాబోతుంది ఈసినిమా కూడా. లవ్ మ్యారేజ్ కు వచ్చే ఒక డిఫరెంట్ సమస్యతో ఈసినిమా రాబోతుందని అర్థమవుతుంది.
A@AKentsOfficial
లవ్ మ్యారేజ్ కి కూడా ఇటువంటి ఒక ప్రాబ్లెమ్ ఉంటుందా ?🤔
కాగా ఈసినిమాలో రెబా మోనికా జాన్ హీరోయిన్గా నటిస్తుంది. ఏకే ఎంటర్ టైన్ మెంట్ బ్యానర్, హాస్య మూవీస్ బ్యానర్పై ఈ సినిమాను నిర్మిస్తున్నారు. గోపీ సుందర్ ఈసినిమాకు సంగీతం అందిస్తున్నారు. సమ్మర్ లో ఈ సినిమాను రిలీజ్ చేయనున్నట్లు కూడా ప్రకటించారు.