రవితేజ ‘ఖిలాడి’ ట్రైలర్ రిలీజ్

గత ఏడాది క్రాక్ తో మంచి సూపర్ హిట్ కొట్టిన మాస్ మహారాజా రవితేజ ఆ సినిమా త‌రువాతవ‌రుస‌గా సినిమాల‌ను చేస్తున్నాడు. ర‌మేష్ వ‌ర్మ ద‌ర్శ‌క‌త్వంలో ఖిలాడి సినిమా చేస్తున్న విష‌యం తెలిసిందే. ఇప్ప‌టికే ఈ సినిమాకు సంబంధించిన టీజ‌ర్ కు మంచి రెస్పాన్స్ వ‌చ్చింది. మరోవైపు ఈ సినిమా ఫిబ్ర‌వ‌రి 11న ప్ర‌పంచ‌వ్యాప్తంగా విడుద‌ల‌వుతున్న నేపథ్యంలో ఇంకా రిలీజ్ కు తక్కువ రోజులు ఉండటంతో వీలైనంత ఎక్కువగా ఈసినిమా ప్రమేషన్స్ చేయడానికి ఫిక్స్ అయ్యారు మేకర్స్. దానిలో భాగంగానే వరుసగా పోస్టర్లు రిలీజ్ చేస్తున్నారు.. ఇంకా వరుసగా పాట‌ల‌ను కూడా విడుద‌ల చేస్తున్నారు చిత్ర బృందం. ఇప్పటికే ఐదు పాటలను రిలీజ్ చేశారు. అందులో రీసెంట్ గా క్యాచ్‌మీ అంటూ సాగే పాట‌ను విడుదల చేయగా ఈ పాట సోష‌ల్ మీడియాలో మంచి రెస్పాన్స్ ద‌క్కించుకుంటుంది.

తాజాగా ఈ సినిమా నుండి ట్రైల‌ర్‌ను కూడా విడుదల చేసింది చిత్రయూనిట్. ఇక ట్రైలర్ చూస్తుంటే సినిమాపై అంచనాలు పెరిగిపోయేలా ఉన్నాయి. రవితేజ మరొకసారి తన మాస్ విశ్వరూపం చూపించారు. పవర్ ఫుల్ డైలాగ్స్ తో పాటుగా ఈ చిత్రం ఔట్ అండ్ ఔట్ ఎంటర్ టైనర్ గా నిలుస్తుంది అనడం లో ఎలాంటి సందేహం లేదు. అంతేకాకుండా ఈ సినిమాలో కీలకపాత్రల్లో నటిస్తున్న వారు కూడా ట్రైలర్ లో తమ రోల్ పై క్లారిటీ ఇచ్చారు. మొత్తానికి ట్రైలర్ సినిమాపై అంచనాలను పెంచేసింది. మరి సినిమా ఎలా ఉంటుందో చూడాలి.

కాగా ఈ చిత్రంలో మీనాక్షి చౌదరి, డింపుల్‌ హయతి హీరోయిన్లుగా నటిస్తుండగా యాక్షన్ కింగ్ అర్జున్ , ఉన్ని ముకుందన్ , రావు రమేష్ , మురళీశర్మ , వెన్నెల కిషోర్ , అనసూయ ముఖ్య పాత్రలలో నటించారు. ఏ స్టూడియోస్‌, పెన్‌ స్టూడియోస్‌ పతాకాలపై జయంతీలాల్‌ గద సమర్పణలో కోనేరు సత్యనారాయణ నిర్మిస్తున్నారు. ఈ చిత్రానికి దేవిశ్రీ ప్రసాద్‌ సంగీతం అందిస్తుండగా.. సుజిత్‌ వాసుదేవ్ సినిమాటోగ్రఫీ అందిస్తున్నాడు.

[subscribe]