"రాజ రాజ చోర " మూవీ టీమ్ కు రవితేజ అభినందనలు
Mass Maharaja Raviteja Applauds Raja Raja Chora Movie Team On Twitter

అభిషేక్ అగర్వాల్ ఆర్ట్స్ , పీపుల్ మీడియా ఫ్యాక్టరీ బ్యానర్స్ పై హాసిత్ గోలి దర్శకత్వంలో శ్రీవిష్ణు , మేఘ ఆకాష్ జంటగా తెరకెక్కిన కామెడీ ఎంటర్ టైనర్ “రాజ రాజ చోర “మూవీ 19 వ తేదీ రిలీజ్ అయ్యి ప్రేక్షకులను ఆకట్టుకుని పాజిటివ్ టాక్ తో సూపర్ హిట్ దిశగా దూసుకుపోతోంది. సునైన , రవి బాబు , తనికెళ్ళ భరణి ముఖ్య పాత్రలలో నటించారు. వివేక్ సాగర్ సంగీతం అందించారు. హీరో శ్రీవిష్ణు డిఫరెంట్ క్యారెక్టర్ లో మంచి కామెడీ టైమింగ్ తో ప్రేక్షకులను అలరించారు.
"రాజ రాజ చోర " మూవీ టీమ్ కు మాస్ మహారాజా రవితేజ సోషల్ మీడియా ద్వారా అభినందనలు తెలిపారు. "రాజ రాజ చోర " మూవీ చూశాననీ , ఎంటర్ టైనింగ్ , ఎమోషనల్ ఫిల్మ్ అనీ , ఫుల్ గా ఎంజాయ్ చేశాననీ , హీరో శ్రీవిష్ణు , దర్శకులది గుడ్ వర్క్ అనీ , మొత్తం టీమ్ కు అభినందనలనీ రవితేజ ట్వీట్ చేశారు. హీరో రవితేజ ట్వీట్ తో "రాజ రాజ చోర " మూవీపై హైప్ క్రియేట్ అయ్యింది. ఒక హీరో మూవీ ని మరో హీరో అభినందించడం శుభ పరిణామమే.







