లిసా రిలీజ్ డేట్ ఫిక్స్

ఇప్పటికే నాయిక ప్రాధాన్యత కలిగిన గీతాంజలి, చిత్రాంగథ చిత్రాలతో మెప్పించిన అంజలి మరోసారి అదే జోనర్ లో ప్రేక్షకులను భయపెట్టడానికి వస్తుంది. రాజు విశ్వనాథ్ దర్శకత్వంలో అంజలి ప్రధాన పాత్రలో ‘లిసా’ అనే సినిమా రూపొందుతుంది. ఇక ఇటీవలే ఈ సినిమా టీజర్, ట్రైలర్ విడుదలవ్వగా వాటికి మంచి రెస్పాన్స్ రావడంతో సినిమాపై అంచనాలు బాగానే పెరిగాయి.

ఇదిలా ఉండగా ప్రస్తుతం పోస్ట్ ప్రొడక్షన్ పనులను జరుపుకుంటోన్న ఈ సినిమా రిలీజ్ డేట్ ను ఫిక్స్ చేశారు. ఈ నెల 24వ తేదీన తెలుగు, తమిళ భాషల్లో ఈ సినిమాను గ్రాండ్ గా రిలీజ్ చేయనున్నారు.

కాగా పీజీ మీడియా వర్క్స్ బ్యానర్‌పై పీజీ ముత్తయ్య ఈ చిత్రాన్ని నిర్మిస్తున్నారు. దేశంలోనే మొదటి సారిగా స్టీరియోస్కోపిక్ 3డీ ఫార్మాట్‌లో రూపొందుతున్న హార్రర్ పిక్చర్ ఇదే కావడం విశేషం. అంతేకాదు ఈ సినిమాను హీలియం 8కె కెమెరాతో చిత్రీకరిస్తున్నారు. మరి ఈ సినిమా కూడా తనకు మంచి హిట్ ఇస్తుందనే నమ్మకంతోనే అంజలి ఉంది. ఆమె నమ్మకాన్ని ఈ సినిమా ఎంతవరకూ నిలబెడుతుందో.. ‘లీసా’ మూవీతో అంజలి ఎలా దడపుట్టిస్తుందో చూద్దాం..

[subscribe]
[youtube_video videoid=aqCG1Y0R-nQ]