సూపర్ డీలక్స్ ట్రైలర్ రిలీజ్

ప్రముఖ హీరో విజయ్ సేతుపతి, సమంత, ఫాహద్ ఫాజిల్, మిస్కిన్ ప్రధాన పాత్రల్లో తెరకెక్కుతున్న సినిమా సూపర్ డీలక్స్. టి. కుమార రాజా దర్శకత్వంలో తెరకెక్కుతున్న ఈసినిమా షూటింగ్ ఇటీవలే పూర్తిచేసుకుంది. తమిళంలో ఈ సినిమాను అదే పేరుతో మార్చి 29వ తేదీన విడుదల చేయనున్నారు.

ఇప్పుడు తాజాగా ఈ సినిమా ట్రైలర్ ను రిలీజ్ చేశారు. ప్రధాన పాత్రధారుల కాంబినేషన్లోని కొన్ని ఇంట్రెస్టింగ్ సీన్స్ పై కట్ చేసిన ఈ ట్రైలర్ సినిమాపై ఆసక్తిని రేకెత్తించేదిలా వుంది.

ఇక మొదటి నుండి విభిన్నమైన పాత్రలు చేయడంలో విజయసేతుపతి ది బెస్ట్. ఈ సినిమాలో కూడా ఓ డిఫరెంట్ లుక్ లో కనిపించనున్నాడు. దీంతో సినిమాపై అంచనాలు మరింత పెరిగాయి. రమ్యకృష్ణ కూడా మరో కీలకపాత్రలో కనిపించనుంది. ఆమె పాత్ర ఈ సినిమాకి హైలైట్ గా నిలుస్తుందనే టాక్ కోలీవుడ్లో వినిపిస్తోంది. మరి చూద్దాం ఆ అంచనాలకు ఈ సినిమా రీచ్ అవుతుందో?లేదో?