విజయ్ సేతుపతి సినిమాల గురించి ప్రత్యేకంగా చెప్పనక్కర్లేదు. తను చేసే పాత్రలు రొటీన్ కు భిన్నంగా ఉంటాయి కాబట్టే విజయ్ సేతుపతి తనకంటూ ప్రత్యేకమైన గుర్తింపు తెచ్చుకున్నాడు. కేవలం తమిళ్ లోనే కాదు తెలుగుతో పాటు పలు భాషల్లో పలు అవకాశాలు అందిపుచ్చుకుంటున్నాడు. ప్రస్తుతం అయితే పలు సినిమాలతో బిజీగా ఉన్నాడు. అందులో ఆరుముగకుమార్ అనే దర్శకత్వంలో వస్తున్న సినిమా కూడా ఒకటి ఉంది. క్రైమ్ కామెడీ థ్రిల్లర్ నేపథ్యంలో ఈసినిమా వస్తుంది.
ప్రస్తుతం అయితే ఈసినిమా షూటింగ్ ను జరుపుకుంటుంది. ఇదిలా ఉండగా తాజాగా ఈసినిమా టైటిల్, అలానే ఫస్ట్ లుక్ ను రిలీజ్ చేశారు. ఈసినిమాకు ఏస్ అనే టైటిల్ ను ఫిక్స్ చేశారు. యూత్ఫుల్లుక్తో అందరినీ ఆకర్షించేలా విజయ్సేతుపతి లుక్ ఉంది.
7@7CsPvtPte
Presenting the Title Teaser & First Look of #VJS51#ACE The Trump Card you have been waiting for!🔥
కాగా ఈసినిమాలో రుక్మిణి వసంత్ హీరోయిన్ గా నటిస్తుంది. ఇంకా యోగి బాబు, పి.ఎస్. అవినాష్, దివ్య పిళ్లై, బబ్లూ పృథ్వీరాజ్, రాజ్కుమార్తో పాటు పలువురు ప్రముఖ నటీనటులు కీలక పాత్రల్లో నటిస్తున్నారు. సెవెన్ సీఎస్ ఎంటర్టైన్మెంట్ బ్యానర్ పై ఈసినిమాను నిర్మిస్తున్నారు. కరణ్ బహదూర్ రావత్ సినిమాటోగ్రఫీని నిర్వహిస్తుండగా, జస్టిన్ ప్రభాకరన్ సంగీతం అందిస్తున్నారు.