షూటింగ్ మొదలుపెట్టిన తెనాలి రామకృష్ణ బీఏబీఎల్‌

కామెడీ చిత్రాల దర్శకుడు జీ నాగేశ్వరరెడ్డి దర్శకత్వంలో సందీప్‌ కిషన్‌ హీరోగా ఓ సినిమా తెరకెక్కుతున్న సంగతి తెలిసిందే. తెనాలి రామకృష్ణ బీఏబీఎల్‌ అనే టైటిల్ తో రూపొందుతున్న ఈసినిమా రెగ్యులర్ షూటింగ్ ఈ రోజే మొదలైనట్టు తెలుస్తోంది. మొదటి షెడ్యూల్ ను ‘కర్నూల్’లో ప్లాన్ చేశారు. కొన్ని ముఖ్యమైన సన్నివేశాలను అక్కడ చిత్రీకరించనున్నారట. కొన్ని రోజుల పాటు అక్కడే షూటింగు జరగనుందట.

కాగా ఈ సినిమాలో సందీప్ కిషన్ సరసన హీరోయిన్ గా హన్సిక నటిస్తోంది. ‘గౌతమ్ నంద’ తరువాత హన్సిక చేస్తోన్న సినిమా ఇదే. ఇంకా ఈ సినిమాలో వెన్నెల కిషోర్, ముర‌ళి శ‌ర్మ, పృథ్వీ ప్ర‌ధాన పాత్ర‌ల్లో న‌టిస్తున్నారు. ఎస్‌ఎన్‌ఎస్‌ క్రియేషన్స్‌ బ్యానర్‌పై తెరకెక్కుతన్న ఈ మొదటి సినిమాను అగ్రహారం నాగిరెడ్డి, సంజీవు రెడ్డి నిర్మిస్తున్నారు. శేఖ‌ర్ చంద్ర సంగీతం అందిస్తున్న ఈ చిత్రానికి శ్యామ్ కే నాయుడు సినిమాటోగ్ర‌ఫీ అందిస్తున్నారు. మరి కొంతకాలంగా వరుస పరాజయాలను ఎదుర్కొంటున్న సందీప్ కిషన్, ఈ సినిమాపైనే ఆశలు పెట్టుకున్నాడు. హన్సిక కూడా తెలుగులో మంచి బ్రేక్ కోసం చూస్తుంది. మరి వీరిద్దరి ఈ సినిమా ఎంత వరకూ కలిసొస్తుందో చూద్దాం.

న‌టీన‌టులు:
సందీప్ కిష‌న్, హ‌న్సిక‌, ముర‌ళి శ‌ర్మ‌, వెన్నెల కిషోర్, పృథ్వీ త‌దిత‌రులు
సాంకేతిక నిపుణులు:
స్క్రీన్ ప్లే, ద‌ర్శ‌కుడు: జి నాగేశ్వ‌ర‌రెడ్డి
నిర్మాత‌లు: అగ్ర‌హారం నాగిరెడ్డి, సంజీవు రెడ్డి
నిర్మాణ సంస్థ‌: ఎస్ఎన్ఎస్ క్రియేష‌న్స్
కో ప్రొడ్యూస‌ర్: జ‌గ‌దీష్
క‌థ‌: రాజ‌సింహ
సంగీతం: శేఖ‌ర్ చంద్ర
సినిమాటోగ్ర‌ఫీ: శ‌్యామ్ కే నాయుడు
మాట‌లు: నివాస్, భ‌వానీ ప్ర‌సాద్