క్రైమ్ థ్రిల్ల‌ర్‌లో మ‌హేష్ బాబు?

సూప‌ర్ స్టార్ మ‌హేష్ బాబు ప్ర‌స్తుతం `మ‌హ‌ర్షి`తో బిజీగా ఉన్నాడు. వంశీ పైడిప‌ల్లి ద‌ర్శ‌క‌త్వంలో రూపొందుతున్న ఈ సినిమాని సి.అశ్వ‌నీద‌త్‌, దిల్ రాజు, ప్ర‌సాద్ వి.పొట్లూరి సంయుక్తంగా నిర్మిస్తున్నారు. వేస‌వి కానుక‌గా ఏప్రిల్ 25న ఈ చిత్రం ప్రేక్ష‌కుల ముందుకు రానుంది. ఈ సినిమా పూర్త‌య్యాక సుకుమార్ ద‌ర్శ‌క‌త్వంలో త‌న త‌దుప‌రి చిత్రాన్ని చేయ‌నున్నాడు మ‌హేష్. ఫారెస్ట్ బ్యాక్‌డ్రాప్‌లో సాగే రివేంజ్ డ్రామాగా ఈ చిత్రం ఉంటుంద‌ని స‌మాచారం. ఇదిలా ఉంటే… `అర్జున్ రెడ్డి` ద‌ర్శ‌కుడు సందీప్ రెడ్డి వంగా ద‌ర్శ‌క‌త్వంలోనూ మ‌హేష్ ఓ సినిమా చేయ‌నున్న సంగ‌తి తెలిసిందే. తాజా స‌మాచారం ప్ర‌కారం… ఇదొక క్రైమ్ యాక్ష‌న్ థ్రిల్ల‌ర్ స‌బ్జెక్ట్‌తో తెర‌కెక్క‌నుంద‌ని టాలీవుడ్ టాక్‌. అంతేకాదు… ఈ చిత్రాన్ని ఏసియ‌న్ సినిమాస్‌, మైత్రీ మూవీ మేక‌ర్స్‌, ఎంబీ ఎంట‌ర్‌టైన్‌మెంట్స్ సంయుక్తంగా నిర్మించ‌నున్నాయ‌ని తెలుస్తోంది. మొత్తానికి… ఒక‌దానితో ఒక‌టి సంబంధం లేని మూడు డిఫ‌రెంట్ ప్రాజెక్ట్‌ల‌తో మ‌హేష్ అభిమానుల‌ను అల‌రించ‌నున్నాడ‌న్న‌మాట‌