బ‌న్నీ-త్రివిక్ర‌మ్ చిత్రంలో విల‌న్‌గా `థ‌ర్టీ ఇయ‌ర్స్ ఇండ‌స్ట్రీ` పృథ్వీ?

`జులాయి`, `స‌న్నాఫ్ స‌త్యమూర్తి` వంటి విజ‌య‌వంత‌మైన చిత్రాల త‌రువాత స్టైలిష్ స్టార్ అల్లు అర్జున్‌, ఏస్ ఫిల్మ్ మేక‌ర్ త్రివిక్ర‌మ్ శ్రీ‌నివాస్ కాంబినేష‌న్‌లో మ‌రో సినిమా రాబోతున్న సంగ‌తి తెలిసిందే. ఈ క్రేజీ ప్రాజెక్ట్‌ను గీతా ఆర్ట్స్‌, హారికా అండ్ హాసిని క్రియేష‌న్స్ సంస్థ‌లు సంయుక్తంగా నిర్మిస్తున్నాయి. ప్ర‌స్తుతం ప్రీ-ప్రొడ‌క్ష‌న్ ప‌నులు జ‌రుపుకుంటున్న ఈ చిత్రానికి సంబంధించిన రెగ్యుల‌ర్ షూటింగ్ మార్చి నుంచి ప్రారంభం కానుంద‌ని స‌మాచారం. ఇదిలా ఉంటే… ఈ సినిమాలో విల‌న్‌గా ప్ర‌ముఖ హాస్య‌నటుడు `థ‌ర్టీ ఇయ‌ర్స్ ఇండ‌స్ట్రీ` పృథ్వీ క‌నిపించ‌నున్నాడ‌ని ఫిల్మ్ న‌గ‌ర్ వ‌ర్గాలు ముచ్చ‌టించుకుంటున్నాయి. ఇప్ప‌టివ‌ర‌కు పృథ్వీ పోషించని విల‌క్ష‌ణ పాత్ర ఇద‌ని… న‌ట‌న‌కు అవ‌కాశ‌మున్న ఈ పాత్ర‌ పృథ్వీలోని మ‌రో కొత్త కోణాన్ని ఆవిష్క‌రిస్తుంద‌ని టాలీవుడ్ టాక్‌. త్వ‌ర‌లోనే పృథ్వీ పాత్ర‌కు సంబంధించి… క్లారిటీ వ‌చ్చే అవ‌కాశ‌ముంది. కాగా… విజ‌య‌ద‌శ‌మి కానుక‌గా బ‌న్నీ, త్రివిక్ర‌మ్ కాంబినేష‌న్ మూవీ తెర‌పైకి రానుంది.