మెగాస్టార్ చిరంజీవి నుండి వస్తున్న సినిమా విశ్వంభర. బింబిసార ఫేమ్ వశిష్ట దర్శకత్వంలో పాన్ ఇండియా స్థాయిలో ఈ సినిమా వస్తుంది. ప్రస్తుతం ఈ సినిమా శరవేగంగా షూటింగ్ జరుపుకుంటున్న విషయం తెలిసిందే. ఇక ఈసినిమా టైటిల్ ను, కాన్సెప్ట్ వీడియోను సంక్రాంతి పండుగకు రిలీజ్ చేయగా ఆవీడియోకు ఎంత రెస్పాన్స్ వచ్చిందో చూశాం. ఈసినిమాలో త్రిష హీరోయిన్ గా నటిస్తుంది. చాలా ఏళ్ల తర్వాత త్రిష-చిరు జంటగా నటిస్తున్నారు. ఇక నేడు త్రిష తన పుట్టినరోజును జరుపుకుంటున్నారు. ఈనేపథ్యంలో త్రిష కు సోషల్ మీడియా ద్వారా పుట్టినరోజు శుభాకాంక్షలు తెలియచేస్తున్నారు. దీనిలో భాగంగానే విశ్వంభర టీమ్ కూడా తమ అధికారిక ట్విట్టర్ ద్వారా ఒక పోస్టర్ రిలీజ్ చేస్తూ బర్త్ డే విషెస్ ను అందించారు.
U@UV_Creations
Wishing the eternal beauty and the epitome of charm @trishtrashers a very Happy Birthday ✨
కాగా ఈసినిమాను భారీ బడ్జెట్ తో యూవీ క్రియేషన్స్ బ్యానర్పై నిర్మాతలు వి వంశీకృష్ణా రెడ్డి, ప్రమోద్ ఉప్పలపాటి, విక్రమ్రెడ్డి నిర్మిస్తున్నారు. కీరవాణి సంగీతం అందిస్తున్న ఈ మూవీకి చోటా కె నాయుడు ఫోటోగ్రఫి అందించనున్నారు. ఈసినిమాను వచ్చేే ఏడాది సంక్రాంతికి రిలీజ్ చేయనున్నారు.