కాజ‌ల్ ఖాతాలో మ‌రో బ్లాక్‌బ‌స్ట‌ర్‌

తెలుగు, త‌మిళ భాష‌ల్లో ప‌లు బ్లాక్‌బ‌స్ట‌ర్ హిట్స్‌ని మూట‌గ‌ట్టుకున్న‌ టాలీవుడ్ చంద‌మామ కాజ‌ల్ అగ‌ర్వాల్‌… తాజాగా మ‌రో ఘ‌న‌విజ‌యాన్ని త‌న ఖాతాలో వేసుకుంది. పంద్రాగ‌స్టున విడుద‌లైన ఆ చిత్రమే `కోమాలి`. `జ‌యం` ర‌వి క‌థానాయ‌కుడిగా న‌టించిన ఈ త‌మిళ సినిమాలో కాజ‌ల్ గ్లామ‌ర్ రోల్‌లో సంద‌డి చేసింది.

టీనేజ్‌లో కోమాలోకి వెళ్ళిన క‌థానాయ‌కుడు… 16 ఏళ్ళ త‌రువాత కోమా నుంచి బ‌య‌ట‌ప‌డ‌తాడు. ఈ నేప‌థ్యంలో… ఈ ప‌ద‌హారేళ్ళ‌లో చోటుచేసుకున్న మార్పుల‌కు అల‌వాటు ప‌డ‌లేక అత‌ను ఎలాంటి ఇబ్బందుల‌కు గుర‌య్యాడు? అనే క‌థాంశంతో ఈ కామెడీ ఫిల్మ్ తెర‌కెక్కింది. ఆద్యంతం వినోదభ‌రితంగా రూపొందిన ఈ సినిమాకి త‌మిళ‌నాట విశేషాద‌ర‌ణ ద‌క్కుతోంది. అంతేకాదు… ఈ సినిమాని తెలుగులో రీమేక్ చేయ‌బోతున్న‌ట్లు వార్త‌లు వినిపిస్తున్నాయి. అలాగే తెలుగులోనూ కాజ‌ల్ నాయిక‌గా న‌టించే అవ‌కాశ‌ముంద‌ని తెలుస్తోంది.

ఇదిలా ఉంటే… ప్ర‌స్తుతం కాజ‌ల్ భారీ బ‌డ్జెట్ త‌మిళ చిత్రం `ఇండియ‌న్ 2`లో నాయిక‌గా న‌టిస్తోంది. అలాగే ఆమె న‌టించిన ఫీమేల్ సెంట్రిక్ ఫిల్మ్ `పారిస్ పారిస్‌` విడుద‌ల‌కు సిద్ధ‌మైంది.