ఓటీటీ సందడి మళ్లీ మొదలైంది

గత ఏడాది కరోనా వల్ల ఓటీటీ వేదికలు మాత్రం పండగ చేసుకున్నాయి. ఎందుకంటే అంతకుముందు సినిమాలు థియేటర్లలోకి వచ్చిన తరువాత.. చాలా రోజులకు ఓటీటీలో రిలీజ్ అయ్యేవి. కానీ 2020 ఈ రూల్స్ ను బ్రేక్ చేసేసింది. కరోనాకు థియేటర్లు మొత్తం కొన్ని నెలలపాటు బంద్ అయ్యాయి. దీంతో ఓ మోస్తరు సినిమాలన్నీ ఓటీటీలోనే రిలీజ్ అయ్యాయి. ఇక జనాలు కూడా ఇంట్లోనే ఉన్నారు కాబట్టి ఓటీటీ వేదికలు దీన్ని బాగా క్యాష్ చేసుకున్నాయి. ఆ త‌ర‌వాత లాక్ డౌన్ ఎత్తేయ‌డం, థియేట‌ర్లు తెర‌చుకోవ‌డంతో – ఓటీటీ ప్రాధాన్యం త‌గ్గింది.

ఇప్పుడు మ‌ళ్లీ లాక్ డౌన్ లాంటి ప‌రిస్థితులు వ‌చ్చేశాయి. థియేట‌ర్లు బంద్ అయ్యాయి. ఇప్ప‌ట్లో సినిమాల్ని విడుద‌ల చేసే ధైర్యం ఎవ్వ‌రికీ లేదు. చాలా సినిమాలు ఇప్పటికే తమ రిలీజ్ డేట్ లను వాయిదా వేసుకున్నాయి. దీంతో మార్చిలో గ్యాప్ లేకుండా వరుస సినిమాలు రిలీజ్ అయి ప్రేక్షకులను అలరించగా.. ఏప్రిల్ లో మాత్రం సినిమాలు లేక థియేటర్లు వెలవెలపోతున్నాయి. ఇక మళ్లీ ఈ ప‌రిస్థితిని క్యాష్ చేసుకునే ప‌నిలో ప‌డ్డాయి ఓటీటీ సంస్థ‌లు. ఇప్ప‌టికే చిత్రీకర‌ణ పూర్త‌యి, విడుద‌ల‌కు సిద్ధంగా ఉన్న సినిమాలతోపాటు.. రిలీజ్ అయిన సినిమాలు కూడా ఓటీటీలోకి వచ్చేస్తున్నాయి.

ఇప్పటికే చావు కబుర చల్లగా, జాతిరత్నాలు లాంటి సినిమాలు వచ్చేశాయి. వైల్డ్ డాగ్.. శ్రీకారం సినిమాలు అయితే సిల్వర్ స్క్రీన్ పై అంతగా ఆకట్టుకోలేదు కానీ.. ఓటీటీ లో వ్యూస్ మాత్రం షాకిస్తున్నాయి. సందీప్ కిషన్ నటించిన ఏ1 ఎక్స్ ప్రెస్ సినిమా కూడా ఓటీటీలోకి వచ్చేస్తుంది. వకీల్ సాబ్ ఈరోజు ప్రైమ్ లో రానుంది. ఇంకా కార్తీ సుల్తాన్ కూడా నేడు ఆహాలో రానుంది. అనసూయ-అశ్విన్ విరాజ్ ప్రధాన పాత్రలో వచ్చిన థ్యాంక్ యు బ్రదర్ నేరుగా ఓటీటీ లో రిలీజ్ కానుంది. ఆహా లో ఈసినిమా మే 7న స్ట్రీమింగ్ అవ్వనుంది. సల్మాన్ నంటించిన రాధే కూడా నేరుగా మే13న జీ ప్లెక్స్ లో రిలీజ్ కానుంది. ధనుష్ నటించిన కర్ణన్ సినిమా ఇప్పటికే రిలీజ్ అయి మంచి హిట్ అయింది. ఇప్పుడు ఈసినిమా కూడా ఓటీటీలో కి వచ్చేస్తుంది. ప్రైమ్ లో మే 9న రిలీజ్ అవుతుంది. ఇవే కాదు.. ఇంకా చాలా సినిమాలు ఓటీటీ వైపు మొగ్గు చూపుతున్నాయి.

మరి కరోనా సెకండ్ వేవ్ ఎఫెక్ట్ చాలా ఎఫెక్టివ్ గా ఉంది. ఇప్పుడప్పుడే థియేటర్లు కూడా తెరుచుకునే పరిస్థితి లేదు.. దీంతో మరికొంతకాలం ఓటీటీ వేదికలకు మంచి ఛాన్స్ దొరికినట్టే..

Vakeel Saab Motion Poster - Pawan Kalyan | Sriram Venu | Thaman S

00:42

Pawan Kalyan B2B Action Scenes | Attarintiki Daredi Movie | Trivikram | Samantha | Pranitha

24:09

Director Bobby about Thaman & DSP | Venky Mama | Venkatesh | Naga Chaitanya | Raashi Khanna | Payal

03:11

Sai Dharam Tej & Harish Shankar Reveals Funny Facts about Thaman | Jawaan Movie Interview | Mehreen

03:54

[subscribe]