కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

రామ్ 'రెడ్' థ్రిల్లర్ మాత్రమే కాదు..!

రామ్ 'రెడ్' థ్రిల్లర్ మాత్రమే కాదు..!

Red is not just a thriller

కిషోర్‌ తిరుమల దర్శకత్వంలో ఎనర్జిటిక్ స్టార్ రామ్ హీరోగా నటిస్తున్న సినిమా 'రెడ్ '. తమిళంలో ఘన విజయం సాధించిన ‘తడమ్‌’ చిత్రానికి రీమేక్‌గా ‘రెడ్‌’ తెరకెక్కుతోంది. ఇప్పటికే విడుదలైన చిత్ర ఫస్ట్‌లుక్‌, ట్రైలర్‌లతో పాటు ఈ సినిమాలో రామ్‌ డ్యూయల్‌ రోల్‌లో నటిస్తుండడంతో ఈ సినిమాపై భారీగా అంచనాలు ఏర్పడ్డాయి. థియేటర్లు తిరిగి ప్రారంభం కావడంతో ఈ సినిమాను సంక్రాంతి కానుకగా జనవరి 14న విడుదల చేయనున్నారు.

ఇక సినిమా ప్రమోషన్ లో భాగంగా పలు ఇంటర్వ్యూల్లో పాల్గొన్న రామ్ తన పాత్ర గురించి పలు ఆసక్తికర విషయాలు తెలియచేసాడు. ఈ సినిమాలో రెండు పాత్రల్లో చేయడం చాలా ఎంజాయ్ చేశాను.. అంతేకాదు నేను నెగిటివ్ షేడ్ లో చేయడం వల్ల ఆడియన్స్ ఎలా కనెక్ట్ అవుతారో చూడాలి.. థ్రిల్లర్ జోనర్ కాబట్టే నేను ఈ సినిమాకు సైన్ చేసాను.. ముఖ్యంగా ఈ సినిమా థ్రిల్లర్ మాత్రమే కాదు మంచి ఫ్యామిలీ ఎంటర్ టైనర్ కూడా.. అంతేకాదు కుటుంబసమేతంగా చూడాల్సిన సినిమా అదే అని.. మీరు మీ కుటుంబంలో ఉన్న ప్రతి ఒక్కరిని థియేటర్ కు తీసుకెళ్ళండి.. అందరూ ఎంజాయ్ చేస్తారు అని తెలిపాడు.

కాగా ఈ సినిమాలో రామ్ కు జోడీగా నివేదా పేతురేజ్, మాళవిక శర్మ, అమృతా అయ్య‌ర్ హీరోయిన్లు గా నటిస్తున్నారు. ఇక స్రవంతి రవి కోశోర్ నిర్మిస్తున్న ఈ సినిమాకు మణిశర్మ సంగీతం అందించనున్నాడు. సంక్రాంతికి ఈ సినిమాను రిలీజ్ చేయనున్నారు. ‘ఇస్మార్ట్‌ శంకర్‌’ తర్వాత రామ్‌ నుంచి వస్తున్న సినిమా కావడంతో ‘రెడ్’ పై భారీ అంచనాలు ఉన్నాయి. మరి ఆ అంచనాలను రామ్ రీచ్ అవుతాడో లేదో చూద్దాం.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్