ఇస్మార్ట్ శంకర్ షూటింగ్ అప్ డేట్

పూరీ జగన్నాథ్ దర్శకత్వంలో ఎనర్జిటిక్ హీరో రామ్ హీరోగా ఇస్మార్ట్ శంకర్ సినిమా తెరకెక్కుతున్న సంగతి తెలిసిందే. ఈ సినిమా షూటింగ్ మాత్రం శరవేగంగా జరుపుకుంటుంది. ఇక ఈ సినిమా తాజా అప్ డేట్ ఏంటంటే… గత కొద్దిరోజులుగా ఈసినిమా గోవాలో షూటింగ్ జరుపుకుంటుండగా.. నిన్న రాత్రితో అక్కడ షూటింగ్ కూడా పూర్తయిందట. ఈ విషయాన్ని చార్మి తన ట్విట్టర్ ద్వారా తెలిపింది. అంతేకాదు.. ఈ సందర్భంగా అంతా కలిసి డాన్స్ చేస్తూ ఎంజాయ్ చేసినట్టుగా… ఆ సందర్భంలో దిగిన ఒక సెల్ఫీని తన ట్విట్టర్లో షేర్ చేసింది.

ఇక గోవా తరువాత షెడ్యూల్ ను ‘వారణాసి’ (కాశీ)లో ప్లాన్ చేసినట్టు తెలుస్తోంది. అక్కడ కొన్ని కీలకమైన సన్నివేశాలను చిత్రీకరించనున్నారట చిత్రయూనిట్. ఇక త్వరలోనే షూటింగ్ ను పూర్తి చేసుకొని మే నెలలో ఈ సినిమాను విడుదల చేయాలనే ఆలోచనలో వున్నారు.

కాగా యాక్షన్ ఎంటర్టైనర్ గా తెరకెక్కనున్న ఈ సినిమాలో రామ్ సరసన నిధి అగర్వాల్, నభా నటేష్ హీరోయిన్లుగా నటిస్తున్నారు. ఈ సినిమాను పూరీ టూరింగ్ టాకీస్ పతాకం ఫై పూరి జగన్నాథ్ , ఛార్మి కలిసి నిర్మిస్తున్నారు. ఈ సినిమాకి మణిశర్మ సంగీతం అందించనుండగా ‘అర్జున్ రెడ్డి’ ఫేమ్ రాజ్ తోట సినిమాటోగ్రఫీని అందించనున్నారు.