అఫీషియల్ -సైలెన్స్ లో హాలీవుడ్ హీరో

హేమంత్ దర్శకత్వంలో అనుష్క, మాధవన్, అంజలి, షాలిని పాండే ప్రధాన పాత్రల్లో సైలెన్స్ అనే సినిమా తెరకెక్కబోతున్న సంగతి తెలిసిందే కదా. మార్చిలో సెట్స్ పైకి వెళ్లనున్న ఈ సినిమా తెలుగు, తమిళ్ మరియు ఇంగ్లీష్ లో ఒకేసారి షూటింగ్ జరుపుకోనుంది. అంతేకాదు కాదు తెలుగు, తమిళం, హాలీవుడ్ నటీనటులు, సాంకేతిక నిపుణుల తో నిర్మితమవుతున్న తొలి క్రాస్ ఓవర్ చిత్రమిది.

ఇదిలా ఉండగా… ఈ సినిమాలో హాలివుడ్ మూవీ కిల్ బిల్ లో నటించిన ‘మైఖేల్ మాడ్సన్’ కీలకమైన పాత్రలో నటిస్తున్నాడని వార్తలు వచ్చిన సంగతి తెలిసిందే కదా. అయితే ఇప్పుడు ఆ విషయాన్నే అధికారికంగా ప్రకటించారు చిత్రయూనిట్. ఇంటర్నేషనల్ ఫిలిం సైలెన్స్ లో ‘మైఖేల్ మాడ్సన్’ నటిస్తున్నాడని అఫీషియల్ గా తెలిపారు.

కాగా హేమంత్ దర్శకత్వం లో హార్రర్ థ్రిల్లర్ గా రూపొందుతున్న ఈ సినిమాను పీపుల్ మీడియా ఫ్యాక్టరీ, కోన ఫిలిం కార్పొరేషన్ సంయుక్తంగా నిర్మిస్తున్నాయి. ప్రముఖ సంగీత దర్శకుడు గోపి సుందర్ ఈ చిత్రానికి స్వరాలు సమకూర్చనున్నాడు. ఇంకా ఈ సినిమా ఎక్కువభాగం చిత్రీకరణ అమెరికాలో జరగనుంది. దసరాకు సినిమా రిలీజ్ చేసే ప్లాన్ లో ఉన్నారు.