గల్లీ బాయ్ రీమేక్ లో మెగా హీరో?

ఒక భాషలో సినిమా అలా హిట్టయితే చాలా మరో భాషలో రీమేక్ చేసేస్తున్నారు. ఇప్పుడు తాజాగా మరో బాలీవుడ్ సినిమాను తెలుగులో రీమేక్ చేయనున్నట్టు తెలుస్తోంది. బాలీవుడ్ లో వరుస హిట్లతో దూసుకుపోతున్న ఎనర్జిటిక్ యంగ్ అండ్ స్టార్ హీరో రణ్ వీర్ సింగ్ ఇటీవల గల్లీ బాయ్ సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమా బాక్సాఫీస్ వద్ద హిట్ కొట్టి కలెక్షన్లు కురిపిస్తుంది.

ఇక ఇప్పుడు ఈ సినిమాను తెలుగులో రీమేక్ చేయనున్నట్టు టాక్స్ వినిపిస్తున్నాయి. ఇంతకీ ఈ రీమేక్ ఎవరు తీస్తున్నారు. ఏ హీరోతో అనుకుంటున్నారా?. టాలీవుడ్ బిగ్ ప్రొడ్యూసర్ అల్లు అరవింద్ ఈ సినిమా రీమేక్ చేయాలనుకుంటున్నారట.. అది కూడా మెగా హీరో సాయి థరమ్ తేజ్ తో రీమేక్ చేయాలన్న ప్లాన్ లో ఉన్నారట. మరి ఇందులో ఎంత నిజముందో తెలియాలంటే దీనిపై అధికారికంగా ప్రకటన వచ్చేంత వరకూ ఆగాల్సిందే.