స‌మంత చిత్రంలో అడివి శేష్‌?

`పంజా`, `బ‌లుపు` చిత్రాల‌లో నెగెటివ్ రోల్స్‌లో అల‌రించిన అడివి శేష్‌… `క్ష‌ణం`, `అమీ తుమీ`, `గూఢ‌చారి` చిత్రాల‌తో క‌థానాయ‌కుడిగా హ్యాట్రిక్ విజ‌యాల‌ను అందుకున్నాడు. ప్ర‌స్తుతం ఈ టాలెంటెడ్ హీరో `2 స్టేట్స్‌` చిత్రంలో న‌టిస్తూ బిజీగా ఉన్నాడు. ఇదిలా ఉంటే… అప్పుడ‌ప్పుడు అతిథి పాత్ర‌ల్లోనూ మెరిసే శేష్‌… మ‌రోసారి అలాంటి పాత్ర‌లో క‌నిపించేందుకు గ్రీన్ సిగ్న‌ల్ ఇచ్చాడ‌ని టాలీవుడ్ టాక్‌.

ఆ వివ‌రాల్లోకి వెళితే… కొరియ‌న్ మూవీ `మిస్ గ్రానీ`కి రీమేక్‌గా తెలుగులో ఓ చిత్రం వ‌స్తున్న సంగ‌తి తెలిసిందే. స‌మంత ప్ర‌ధాన పాత్ర‌లో న‌టిస్తున్న ఈ సినిమాని నందినీ రెడ్డి రూపొందిస్తోంది. సురేష్ ప్రొడ‌క్ష‌న్స్ సంస్థ నిర్మిస్తున్న ఈ చిత్రంలో నాగ‌శౌర్య‌, ల‌క్ష్మి, రాజేంద్ర ప్ర‌సాద్ ఇత‌ర కీల‌క పాత్ర‌ల్లో న‌టిస్తున్నారు. అంతేకాదు… క‌థ‌లో భాగంగా వ‌చ్చే ఓ అతిథి పాత్ర‌లో అడివి శేష్ క‌నిపించ‌నున్నాడ‌ని స‌మాచారం.

ఇదివ‌ర‌కు… స‌మంత మామ‌య్య అక్కినేని నాగార్జున న‌టించిన `ఊపిరి`లో అనుష్క భ‌ర్త‌గా అతిథిగా క‌నిపించాడు అడివి శేష్‌. ఆ సినిమా మంచి విజ‌యం సాధించింది. ఇప్పుడు అదే సెంటిమెంట్‌… నాగ్ కోడ‌లు సామ్ కి కూడా రిపీట్ అవుతుందేమో చూడాలి. `బేబి.. ఎంత స‌క్కగున్నావె` అనే ప‌రిశీల‌న‌లో ఉన్న‌ ఈ సినిమా వేస‌విలో విడుద‌ల కానుంది.