ఖైదీ, మాస్టర్ చిత్రాల దర్శకుడు లోకేష్ కనగరాజ్ దర్శకత్వంలో కమల్ హాసన్ హీరోగా వస్తున్న సినిమా విక్రమ్. ఈ సినిమాలో గ్యాంగ్ స్టర్ గా కమల్ కనిపించనున్నారు. ఈసినిమా కూడా ఎప్పటినుండో సెట్స్ పైనే ఉంది. ఇక ఎన్నో బ్రేక్ లు.. ఎన్నో అడ్డంకులు తరువాత ఈసినిమా తాజాగా షూటింగ్ పూర్తి చేసుకుంది. ఈవిషయాన్ని చిత్రయూనిట్ స్వయంగా ఓ వీడియో పోస్ట్ చేస్తూ మరీ తెలియచేసింది. ఫహద్ ఫాజిల్ గన్ పేల్చే వీడియోను విడుదల చేసిన మేకర్స్ షూటింగ్ పూర్తయిందని తెలుపుతూ సినిమా రిలీజ్ డేట్ పై కూడా అప్ డేట్ ఇచ్చారు. మార్చి14న విడుదల తేదీని ప్రకటించబోతున్నట్టు చిత్రబృందం తెలిపింది.
D@Dir_Lokesh
After 110 days of shoot it’s a WRAP 🔥 Thanx to the entire cast and crew for the EXTRAORDINARY effort! 🙏🏻@ikamalhaasan @VijaySethuOffl #FahadhFaasil @anirudhofficial #VIKRAM
ఇంకా ఈసినిమాలో విజయ్ సేతుపతి, పహాద్ ఫాజిల్, కాళిదాస్ జయరామ్, పలువురు ప్రముఖ నటీనటులు పలు కీలకపాత్రల్లో నటిస్తున్నారు. రాజ్కమల్ ఫిల్మ్స్ ఇంటర్నేషనల్ పతాకంపై కమల్ హాసన్, ఆర్ మహేంద్రన్ ఈ చిత్రాన్ని నిర్మిస్తున్నారు. అనిరుధ్ రవిచంద్రన్ సంగీతం అందిస్తుండగా.. గిరీష్ గంగాధరన్ సినిమాటోగ్రాఫర్ గా చేస్తున్నారు..