తెలంగాణలో థియేటర్లు బంద్

April 20, 2021

సినీ ఇండస్ట్రీపై కరోనా సెకండ్ వేవ్ ప్రభావం బాగానే పడింది. ఇప్పటికే ఏపీలో థియేటర్ ఆక్యుపెన్సీని 50 వ శాతానికి తగ్గించారు. అలానే తెలుగు నిర్మాతల మండలి కూడా కొన్ని నిర్ణయాలు తీసుకుంది. ప్రభుత్వ మార్గదర్శకాలను పాటిస్తూ పరిమిత బృందంతో చిత్రీకరణలు, పోస్ట్ ప్రొడక్షన్స్ కార్యక్రమాలు నిర్వహించాలని ప్రకటనలో పేర్కొంది. అత్యవసరం అనుకుంటే 50 మంది కార్మికులతో షూటింగ్‌ చేసుకోవచ్చని, అందరినీ దృష్టిలో పెట్టుకొని ఈ జాగ్రత్త చర్యలు తీసుకుంటున్నట్లు తెలిపారు. ఇక ఇప్పుడు తాజాగా ప్రభుత్వం కూడా థియేటర్ల విషయంపై ఓ జీవోని జారీ చేసింది. ఏప్రిల్ 20 నుంచి రాత్రి 9 గంటల నుంచి ఉదయం 5 గంటల వరకు నైట్ కర్ఫ్యూ.. ఇది ఈ నెల 30వ తేదీ వరకు ఇలాగే కొనసాగుతుంది. అనుమతులు ఉన్న థియేటర్లు రాత్రి 8గంటల లోపు మూసివేయాలి. ఇంకా పలు సూచనలు సూచించారు.