ప‌్ర‌భాస్ 20 ముందే వ‌స్తుందా?

`బాహుబ‌లి` స్టార్ ప్ర‌భాస్ ప్ర‌స్తుతం రెండు చిత్రాల‌తో ఫుల్ బిజీగా ఉన్నాడు. ఒక‌వైపు యాక్ష‌న్ ఎంట‌ర్‌టైన‌ర్ `సాహో` చేస్తూనే… మ‌రో వైపు పేరు నిర్ణ‌యించని రొమాంటిక్ ఎంట‌ర్‌టైన‌ర్‌ను చేస్తున్నాడు. కాగా… సుజీత్ ద‌ర్శ‌క‌త్వంలో భారీ తారాగ‌ణంతో రూపొందుతున్న `సాహో` చిత్రాన్ని ఈ ఏడాది ఆగ‌స్టు 15న రిలీజ్ చేయ‌డానికి స‌న్నాహాలు జ‌రుగుతున్నాయి. సింహ‌భాగం చిత్రీక‌ర‌ణ పూర్తి చేసుకున్న ఈ సినిమాలో యాక్ష‌న్ సీక్వెన్స్ ప్ర‌ధాన ఆక‌ర్ష‌ణ‌గా నిలుస్తాయ‌ని… అంత‌ర్జాతీయ స్థాయి సాంకేతికత‌తో ఈ క్రేజీ ప్రాజెక్ట్ తెర‌కెక్కుతోంద‌ని స‌మాచారం. ఇక‌… పిరియాడిక్ ల‌వ్ స్టోరీ `జిల్‌` ఫేమ్ రాధాకృష్ణ ద‌ర్శ‌క‌త్వంలో రూపొందుతుండ‌గా… ఈ సినిమాని సంక్రాంతి కానుక‌గా విడుద‌ల చేయ‌బోతున్న‌ట్లు ఆ మ‌ధ్య వార్త‌లు వినిపించాయి. అయితే… ఈ చిత్రాన్ని కూడా ఈ ఏడాదిలోనే విడుద‌ల చేయాల‌ని ప్ర‌భాస్ ప్లాన్ చేస్తున్నాడ‌ట‌. ప్ర‌స్తుతం ఆ దిశ‌గానే… నిర్మాణ కార్య‌క్ర‌మాలు శ‌ర‌వేగంగా జ‌రుగుతున్నాయ‌ని టాలీవుడ్ టాక్‌. మొత్తానికి… నాలుగు నెల‌ల గ్యాప్‌లోనే ప్ర‌భాస్ రెండు చిత్రాల‌తో సంద‌డి చేయ‌నున్నాడ‌న్న‌మాట‌. ఇది యంగ్ రెబ‌ల్ స్టార్ ఫ్యాన్స్‌కు శుభ‌వార్తే.