వకీల్ సాబ్ ‘కంటిపాప’ సాంగ్ రిలీజ్

వేణు శ్రీరామ్-పవన్ కళ్యాణ్ కాంబినేషన్ లో వస్తున్న వకీల్ సాబ్ సినిమా ఏప్రిల్ 9న రిలీజ్ కానున్న సంగతి తెలిసిందే కదా. ఇక ఈసినిమా ప్రసుతం పోస్ట్ ప్రొడక్షన్ పనులు జరుపుకుంటూనే మరోపక్క ప్రమోషన్ కార్యక్రమాలు మొదలు పెట్టారు. మొదటిపాట ‘మగువ..మగువ’ 2020 ఉమెన్స్ డే సందర్భంగా రిలీజ్ చేశారు. ఇప్పటికీ ఆపాప వినిపిస్తూనే ఉంది. మార్చిలో మ్యూజికల్ ట్రీట్ ఇస్తానని చెప్పినట్టే సాంగ్స్ ను రిలీజ్ చేస్తున్నారు. ఇటీవలే సత్యమేవ జయతే పాటను రిలీజ్ చేయగా దానికి మంచి రెస్పాన్స్ వచ్చింది.

ఇప్పుడు మరో పాటను రిలీజ్ చేశారు. కంటిపాప కంటిపాప అనే లిరికల్ సాంగ్ ను రిలీజ్ చేసింది చిత్రయూనిట్. ఈ పాటకు రామజోగయ్య శాస్త్రి సాహిత్యం అందించగా.. సింగర్ అర్మాన్ మాలిక్ ఆలపించారు.

ఇక ఈ సినిమాలో శృతి హాసన్ పవన్ కు జోడీగా నటిస్తుండగా.. నివేదా థామస్, అంజలి, అనన్య‌ కీలక పాత్రల్లో నటిస్తున్నారు. బోనీ కపూర్‌ నిర్మాణ సంస్థ బేవ్యూ ప్రాజెక్ట్స్‌తో కలిసి శ్రీ వెంకటేశ్వర క్రియేషన్స్ బ్యానర్‌పై ‘దిల్’ రాజు నిర్మిస్తున్నారు. థమన్ ఈ సినిమాకు సంగీతం అందిస్తున్నాడు.

[subscribe]