కోలీవుడ్‌కి వెళుతున్న‌ కియారా అద్వాని?

‘భరత్ అనే నేను’తో తెలుగు తెర‌కు క‌థానాయిక‌గా ప‌రిచ‌య‌మైన ఉత్త‌రాది భామ‌ కియారా అద్వాని. ఆ త‌రువాత విన‌య విధేయ రామ‌లోనూ క‌నువిందు చేసింది. ప్రస్తుతం కియారా పలు హిందీ చిత్రాలలో కథానాయికగా నటిస్తూ బిజీగా ఉంది. కాగా, సౌత్ ఇండియన్ ఫిలిమ్స్‌లో నటించడానికి ఎప్పుడూ సిద్ధంగా ఉండే కియారా… ఇప్పుడు కోలీవుడ్‌లోనూ హీరోయిన్‌గా ఎంట్రీ ఇవ్వ‌నుంద‌ని టాక్.

ఆ వివరాల్లోకి వెళితే… త‌మిళ‌ కథానాయకుడు శివ కార్తికేయన్ హీరోగా, దర్శకుడు విఘ్నేశ్‌ శివన్ ఓ సినిమాను తెరకెక్కిస్తున్నాడు. శివ కార్తికేయన్ కెరీర్‌లో 17వ చిత్రంగా రూపొందుతున్న ఈ సినిమా కోసం కియారాని హీరోయిన్‌గా సెలెక్ట్ చేసిన‌ట్టు స‌మాచారం. ప్రముఖ నిర్మాణ సంస్థ లైకా ప్రొడక్షన్స్ నిర్మిస్తున్న ఈ మూవీ… ప్రస్తుతం ప్రీ-ప్రొడక్షన్ వ‌ర్క్‌ జరుపుకుంటోంది. త్వ‌ర‌లోనే కియారా కోలీవుడ్ ఎంట్రీపై స్పష్టత వచ్చే అవకాశం ఉంది.

ఇదిలా ఉంటే… షాహిద్ కపూర్, కియారా అద్వాని జంటగా నటించిన హిందీ ఫిలిమ్‌ ‘కబీర్ సింగ్’(‘అర్జున్ రెడ్డి’కి రీమేక్‌) ఈ నెల 21న ప్రేక్షకుల ముందుకు రానుంది.

[subscribe]
[youtube_video videoid=EPhHbH7FR74]