సమ్మర్ రేస్ లోనే అల్లు శిరిష్ ఎబిసిడి

గత కొద్ది కాలంగా మంచి హిట్ కోసం ఎదురుచూస్తున్న అల్లు శిరీష్ “ఎబిసిడి” (అమెరికన్ బార్న్ కన్ఫ్యూజ్డ్ దేశీ) సినిమాతో అయినా మంచి హిట్ కొట్టాలని చూస్తున్నాడు. అయితే ఈ సినిమా షూటింగ్ మాత్రం గత ఏడాదే పూర్తి చేసుకున్నా రిలీజ్ కు మాత్రం ఇంకా నోచుకోలేదు. అయితే ఈ సినిమా రిలీజ్ వెనుక కూడా ఓ కారణం ఉందనుకోండి. ఇటీవలే ఈ సినిమాను సురేష్ బాబు మరియు అల్లు అరవింద్ కు చూపించగా ఇద్దరూ కొన్ని మార్పులు చెప్పారంటా. ఇక వారు చెప్పిన మార్పులను కంప్లీట్ చేసుకొని.. ఇప్పుడు రిలీజ్ కు సిద్దంగా ఉన్నట్టు తెలుస్తోంది. ఏప్రిల్ 26వ తేదీన ఈ సినిమాను రిలీజ్ చేయాలన్న ప్లాన్ లో ఉన్నారట. దీనిపై త్వరలోనే అధికారిక ప్రకటన ఇవ్వనున్నట్టు సమాచారం.

కాగా సంజీవ్ రెడ్డి దర్శకత్వంలో తెరకెక్కుతున్న ఈసినిమాలో అల్లు శిరీష్ సరసన ‘కృష్ణార్జున యుద్ధం’ ఫేమ్‌ రుక్సర్‌ థిల్లాన్‌ హీరోయిన్ గా నటిస్తుంది. అల్లు శిరీష్‌ తండ్రి పాత్రలో నాగబాబుగారు నటించగా… బాల నటుడు భరత్‌ ఈ చిత్రంలో శిరీష్‌ ఫ్రెండ్‌ క్యారెక్టర్‌ చేసినట్టు తెలుస్తోంది. మధుర ఎంటర్‌టైన్‌మెంట్‌ పతాకంపై మధుర శ్రీధర్‌, బిగ్‌బెన్‌ సినిమాస్ బ్యానర్‌పై యశ్ రంగినేని సంయుక్తంగా ఈ సినిమాను నిర్మిస్తున్నారు. ఈ చిత్రానికి కన్నడ మ్యూజిక్‌ డైరెక్టర్‌ జుడా స్యాండీ సంగీతమందిస్తున్నారు.

మరి మలయాళంలో దుల్కర్ సల్మాన్ నటించిన ఈ సినిమా మంచి ఘన విజయం సాధించింది. మరి తెలుగు ప్రేక్షకులకు ఈసినిమా ఎంత వరకూ నచ్చుతుంది..? అల్లు శిరీష్ కు ఈ సినిమా ఎంత వరకూ సక్సెస్ అందిస్తుందో చూద్దాం.