చిరంజీవి – కొర‌టాల మూవీ కోసం… ప‌రిశీల‌న‌లో న‌లుగురు హీరోయిన్ల పేర్లు?

`ఖైదీ నంబ‌ర్ 150`తో మెగా రీ – ఎంట్రీ ఇచ్చిన మెగాస్టార్ చిరంజీవి… ప్ర‌స్తుతం భారీ బ‌డ్జెట్ మూవీ `సైరా న‌రసింహారెడ్డి`తో ఫుల్ బిజీగా ఉన్నారు. ఈ సినిమాకు సంబంధించి త‌న పార్ట్‌ను పూర్తిచేయ‌గానే… స‌క్సెస్‌ఫుల్ డైరెక్ట‌ర్ కొర‌టాల శివ కాంబినేష‌న్‌లో త‌న 152వ చిత్రాన్ని మొద‌లుపెట్ట‌నున్నారు చిరు. ఇప్ప‌టికే స్క్రిప్ట్ వ‌ర్క్ పూర్తిచేసుకున్న ఈ సినిమా… త్వ‌ర‌లోనే ప‌ట్టాలెక్క‌నుంది. ఇదిలా ఉంటే… ఈ సినిమాలో చిరుకి జోడీగా న‌టించే హీరోయిన్ ఎవ‌రు? అనే విష‌యంపై ఆస‌క్తిక‌ర‌మైన చ‌ర్చ జ‌రుగుతోంది. వినిపిస్తున్న క‌థ‌నాల ప్ర‌కారం… ప్ర‌స్తుతం న‌లుగురు హీరోయిన్ల పేర్లు ప‌రిశీల‌నలో ఉన్నాయ‌ని తెలిసింది. ఇంత‌కీ ఆ హీరోయిన్లు ఎవ‌రంటే… `య‌న్‌.టి.ఆర్‌. క‌థానాయ‌కుడు`తో తెలుగు తెర‌కు ప‌రిచ‌య‌మైన బాలీవుడ్ న‌టి విద్యా బాల‌న్‌, సీనియ‌ర్ బ్యూటీస్ త్రిష‌, న‌య‌న‌తార‌, త‌మ‌న్నా. మ‌రి… వీరిలో ఎవ‌రు చివ‌రాఖ‌రికి చిరు ప‌క్క‌న జోడీ క‌డతారో తెలియాలంటే మ‌రికొన్నాళ్ళు ఆగాల్సిందే.