పెళ్ళయ్యాక సినిమాల విషయంలో కాస్త జోరు తగ్గించిన టాలెంటెడ్ బ్యూటీ శ్రియ… మళ్ళీ ఇప్పుడిప్పుడే వాటిపై దృష్టి సారిస్తోంది. ఇటీవల ఒకట్రెండు తెలుగు చిత్రాల్లో శ్రియ పేరు ప్రముఖంగా వినిపించినా… ఆ సినిమాలకి సంబంధించి ఎలాంటి అధికారిక ప్రకటన రాలేదు. అయితే, తాజాగా ఓ తమిళ చిత్రానికి మాత్రం ఈ సీనియర్ హీరోయిన్ గ్రీన్ సిగ్నల్ ఇచ్చిందట. `దృశ్యం` (మలయాళం) దర్శకుడు జీతూ జోసెఫ్ తెరకెక్కించిన మలయాళ చిత్రం `మై బాస్`(2012) ఆధారంగా తెరకెక్కనున్న ఈ సినిమాలో విమల్కి జోడీగా నటించనుంది శ్రియ. `సండక్కారి – ది బాస్` పేరుతో రూపొందనున్న ఈ సినిమాకి ఆర్.మాదేష్ దర్శకత్వం వహించనున్నాడు. యాక్షన్, కామెడీ, ఫ్యామిలీ ఎంటర్టైనర్గా తెరకెక్కనున్న ఈ సినిమా లండన్, న్యూయార్క్, గోవా పరిసర ప్రాంతాల్లో చిత్రీకరణ జరుపుకోనుంది. మరి… తమిళనాట`శివాజీ – ది బాస్`తో విజయాన్ని అందుకున్న శ్రియ… `సండక్కారి – ది బాస్`తోనూ అదే బాట పడుతుందేమో చూద్దాం. కాగా, శ్రియ నటించిన తమిళ చిత్రం `నరగాసురన్`, హిందీ మూవీ `తడ్కా` విడుదలకు సిద్ధమయ్యాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[subscribe]
[youtube_video videoid=2nTAhBqwWQc]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: