కోలీవుడ్ సూపర్‌స్టార్ రజినీకాంత్ హీరోగా నటిస్తోన్న లేటెస్ట్ మూవీ ‘వేట్టయన్-ది హంటర్’. తలైవా 170గా తెరకెక్కుతున్న ఈ చిత్రానికి ‘జై భీమ్‌’ ఫేమ్ టీజే జ్ఞానవేళ్‌ దర్శకత్వం వహిస్తున్నాడు. ఇప్పటికే ఈ మూవీ నుంచి లాంచ్ చేసిన టైటిల్‌ టీజర్‌ సినిమాపై సూపర్ హైప్‌ క్రియేట్ చేసింది. దుషారా విజయన్‌, రితికా సింగ్‌ ఫీమేల్‌ లీడ్ రోల్స్‌లో నటిస్తుండగా.. బాలీవుడ్ లెజెండరీ నటుడు అమితాబ్‌ బచ్చన్‌, మాలీవుడ్ స్టార్ హీరో ఫహద్ ఫాసిల్ కీలక పాత్రలు పోషిస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
రానా దగ్గుబాటి, రావు రమేశ్‌, రోహిణి మొల్లేటి ఇతర పాత్రల్లో కనిపించనున్నారు. అలాగే ప్రముఖ మలయాళ నటి మంజు వారియర్ రజినీ భార్య పాత్రలో నటిస్తున్నారు. ఇక ఇటీవలే ఈ మూవీ నుండి ఫ‌స్ట్ సింగిల్ ‘మనసిలాయో’, ‘హంటర్ వంటార్’ అనే సెకండ్ సింగిల్ రిలీజ్ చేసిన విషయం తెలిసిందే. ఈ పాటల్లో సూపర్ స్టార్ తన స్టైల్ స్వాగ్‌తో అలరించారు. ఇక ఇటీవలే వేట్టయన్ తెలుగు ప్రివ్యూ విడుదల చేశారు మేకర్స్.
ఈ నేపథ్యంలో తాజాగా ఈ మూవీ నుంచి సాలిడ్ అప్డేట్ అందించింది చిత్ర బృందం. వేట్టయన్ ట్రైలర్ రిలీజ్ డేట్ ప్రకటించింది. గాంధీ జయంతి సందర్భంగా అక్టోబర్ 2న ఈ ట్రైలర్ విడుదల చేయనున్నట్టు తెలిపింది. కాగా రజినీకాంత్ ఎన్‌కౌంటర్ స్పెషలిస్టుగా ఓ పవర్‌ఫుల్ రోల్‌లో కనిపించనున్నారు. మొత్తానికి రజినీ మరోసారి జైలర్ మ్యాజిక్ మళ్ళీ రిపీట్ చేస్తారనిపించేలావుంది.
కాగా లైకా ప్రొడక్షన్స్ బ్యానర్‌పై స్టార్ ప్రొడ్యూసర్ సుభాస్కరన్‌ నిర్మిస్తున్న వేట్టయన్ మూవీ దసరా కానుకగా అక్టోబరు 10న తమిళం, తెలుగు, హిందీ & కన్నడ భాషల్లో విడుదల కానుంది. ఇక ఇదిలావుంటే, మరోవైపు క్రేజీ డైరెక్టర్ లోకేష్ కనగరాజ్ దర్శకత్వంలో ‘తలైవా 171’గా తెరకెక్కుతోన్న ‘కూలి’ చిత్రంలో కూడా రజినీకాంత్ నటిస్తున్న విషయం తెలిసిందే.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
