‘సామాన్యుడు’ స్నీక్ పీక్

హిట్లు ఫ్లాప్ లతో సంబంధం లేకుండా వరుసగా సినిమాలు చేస్తూ దూసుకుపోతున్నాడు విశాల్. రీసెంట్ గా ఎనిమి సినిమాతో ప్రేక్షకులను అలరించిన విశాల్ ఇప్పుడు సామాన్యుడిగా ప్రేక్షకుల ముందుకు రాబోతున్నాడు. ప్రస్తుతం శరవణన్ దర్శకత్వంలో విశాల్ హీరోగా వస్తున్న సినిమా సామాన్యుడు. ఈసినిమా కూడా రిలీజ్ కు సిద్దంగా ఉంది. నిజానికి ఈసినిమా కూడా ఎప్పుడో రిలీజ్ కావాలి. సంక్రాంతి బరి నుండి తప్పుకున్న ఈసినిమా రిపబ్లిక్ డేకు వస్తుందని అప్పట్లో మేకర్స్ ప్రకటించారు. అయితే పరిస్థితులు అనుకూలించకపోవడంతో ఆ తేదీన కూడా ‘సామాన్యుడు’ సినిమా విడుదల కాలేదు. అయితే రీసెంట్ గానే ఈ సినిమా రిలీజ్ డేట్ ను ప్రకటించారు ఫిబ్రవరి 4న ఈసినిమా ప్రేక్షకుల ముందుకు రానుంది.

ఇక ఇప్పటికే ఈసినిమా ప్రమోషన్స్ మొదలుపెట్టారు. ఈసినిమా నుండి ఇప్పటికే పలు పోస్టర్లు, టీజర్, ట్రైలర్ ను రిలీజ్ చేయగా వాటికి సూపర్ రెస్పాన్స్ వచ్చింది. ఇక తాజాగా ఈసినిమా స్నీక్ పీక్ పేరుతో మరో వీడియోను రిలీజ్ చేశారు.

కాగా ఈసినిమాలో డింపుల్‌ హయతి హీరోయిన్‌గా నటిస్తుండగా యోగి బాబు, బాబురాజ్ జాకబ్, పిఎ తులసి, రవీనా రవి కీలక పాత్రల్లో నటిస్తున్నారు. ఈసినిమాకు యువన్‌ శంకర్‌ రాజా సంగీతం అందిస్తుండగా..కవిన్‌ రాజ్‌ సినిమాటోగ్రాఫర్ గా పనిచేయనున్నారు. విశాల్‌ ఫిల్మ్‌ ఫ్యాక్టరీ పతాకంపై ఈ సినిమాను నిర్మిస్తున్నారు.

[subscribe]